Олимлар «фаст-фуд» ва ширин газли ичимлик­лар нафақат семиришга, балки когнитив назоратни йўқотилишига сабаб бўлишини исботлашди.

400 000 дан ортиқ иштирокчи иштирок этган ва 60 та давлат қамраб олинган йирик тадқиқот Global Mind Project доирасида ўтказилган.

Когнитив назорат — бу — миянинг диққатни жамлаш, ҳиссиётларни бошқариш ва қарор қабул қилиш қобилияти. «Фаст-фуд» истеъмоли бу қобилиятни сусайтиради.

Арзимаган нарсага жаҳлингиз чиқа бошлайди, ҳиссиётларни жиловлаш қийинлашади.

Ишга ёки ўқишга диққатни жамлаш, фикрни бир жойга қўйиш муаммога айланади.

«Фаст-фуд» севувчиларда руҳий тушкунлик хавфи соғлом овқатланадиганларга қараганда 3 баравар юқори.

Қайта ишланган маҳсулотлар (чипс­лар, сосискалар, бургерлар) таркибидаги кимёвий қўшимчалар яллиғланишни келтириб чиқаради. Бу эса ичак микрофлорасини бузади.

Картошка фри ёки рангли ичимлик­лардан воз кечиш бу — фақат озиш учун эмас, балки хотиржамлик ва когнитив қобилиятни сақлаш учун ҳам керак.