Пайшанба
23-Июл 2026
Мамлакатимизда атроф-муҳитни муҳофаза қилиш, ҳудудларни ободонлаштириш ва тозалигини таъминлаш, мусаффо иқлимга алоҳида эътибор қаратиш борасида салмоқли ишлар амалга оширилмоқда.
Жумладан, Наманганда вилоят экология ва иқлим ўзгариши бош бошқармаси томонидан замонавий ерости чиқинди жойлаш шохобчасини ташкил этиш ғояси илгари сурилди. Ушбу ташаббус қўллаб-қувватланиб, лойиҳа ижроси қисқа вақтда таъминланди.
Наманган шаҳрининг Оби ҳаёт маҳалласидаги «24/7» тартибида хизмат кўрсатишга мўлжалланган Ҳуррият кўчаси, яъни «Уч фаввора» хиёбони ёнида барпо қилинган ерости чиқинди сақлаш мажмуаси фойдаланишга тайёр бўлди.
Олтита қутининг ҳар бири 500 килограммдан, жами уч тонна чиқинди жамлайди. Уларнинг устки қисми ҳудуд кўринишига мос тарзда тартибли ва замонавий тарзда бўлади. Ҳозирга қадар қурилмаларнинг учтаси битказилди. Ушбу креатив ёндашув вилоят ҳокими, Олий Мажлис Сенати аъзоси Шавкат Абдураззоқов томонидан ҳам маъқулланиб, бундай майдонлар сонини кўпайтириш кераклигини таъкидлади.
Ихчам ва самарали шундай қурилмалардан кўзланган мақсад эса, кўп қаватли уйларда яшовчи аҳолига қулайлик яратиш асносида аҳолининг экологик маданиятини юксалтириш, халқаро гуллар фестивалига ташриф буюрадиган сайёҳлар, юртимизнинг турли ҳудудларидан келадиган меҳмонлар учун Наманган шаҳрининг жозибадорлигини оширишдир.
Экология ва иқлим ўзгариши бош бошқармаси бошлиғи Шуҳрат Максумовнинг қайд этишича, ушбу маскан ишлаш тартибига мувофиқ, йирик ҳажмдаги қутилар тўлиши билан махсус қурилма автоматик тарзда «Мусаффо иқлим» масъулияти чекланган жамияти ҳамда бошқармага сигнал юборади ва чиқиндилар махсус машинада белгиланган полигонга олиб кетилади. Чиқинди бошқаруви тизимини такомиллаштиришга хизмат қилувчи бундай жойларни келгусида Янги Наманган ва Давлатобод туманларига ҳам ўрнатиш режалаштирилган.
Оқилхон ДАДАБОЕВ, ЎзА
Ер қаърини муҳофаза қилиш, экология ва саноат хавфсизлигини таъминлаш масаласи Ўзбекистон Экологик партияси дастурий мақсадларида алоҳида кўзда тутилган. Партиядан сайланган депутатлар томонидан ушбу йўналишда доимий жамоатчилик ва депутатлик назорати олиб борилмоқда.
Батафсил
Бугунги кунда дунёда энергия ресурсларига бўлган эҳтиёж ортиб бормоқда. Табиий газ, нефть ва кўмир каби анъанавий ёқилғилардан ортиқча фойдаланиш эса экологик муаммоларни янада кучайтиради. Шу сабабли қайта тикланувчи энергия манбаларига қизиқиш тобора кучайиб бораяпти. Бу борада истиқболли йўналишлардан бири бўлган биогаз технологияси алоҳида аҳамиятга эга.
Батафсил
Бугунги ҳаётимизни пластик пакетларсиз тасаввур қилиш қийин. Улар енгил, арзон ва қулай. Аммо ҳар бир қулайликнинг ўз баҳоси бор.
Батафсил
Ер қаърини муҳофаза қилиш, экология ва саноат хавфсизлигини таъминлаш масаласи Ўзбекистон Экологик партияси дастурий мақсадларида алоҳида кўзда тутилган. Партиядан сайланган депутатлар томонидан ушбу йўналишда доимий жамоатчилик ва депутатлик назорати олиб борилмоқда.
Бугунги кунда дунёда энергия ресурсларига бўлган эҳтиёж ортиб бормоқда. Табиий газ, нефть ва кўмир каби анъанавий ёқилғилардан ортиқча фойдаланиш эса экологик муаммоларни янада кучайтиради. Шу сабабли қайта тикланувчи энергия манбаларига қизиқиш тобора кучайиб бораяпти. Бу борада истиқболли йўналишлардан бири бўлган биогаз технологияси алоҳида аҳамиятга эга.
Бугунги ҳаётимизни пластик пакетларсиз тасаввур қилиш қийин. Улар енгил, арзон ва қулай. Аммо ҳар бир қулайликнинг ўз баҳоси бор.
Бугунги кунда саноат корхоналарида ишлаб чиқариш жараёнларини модернизация қилиш нафақат иқтисодий самарадорлик, балки атроф-муҳит мусаффолигини сақлаш нуқтаи назаридан ҳам ўта долзарб аҳамият касб этмоқда.
Ёшларни техникумларга кенг жалб этиш, таълим сифатини ошириш, меҳнат бозори талабларига мос кадрлар тайёрлаш ва таълим муассасалари фаолияти самарадорлигини ошириш бугунги куннинг энг долзарб масалаларидан биридир.
