Якшанба
19-Апрел 2026
Ўзбекистон Экологик партияси Тошкент шаҳар кенгашининг 2026 йилга мўлжалланган чора-тадбирлар режасига мувофиқ, Сергели туманида жойлашган «Салар» оқава сувларни тозалаш иншоотида жамоатчилик назорати тадбири ўтказилди.
Партия фаоллари ҳамда туман «Ўзсувтаъминот» бўлими мутахассислари иштирокида ўтган ўрганишда иншоотнинг бугунги қуввати ва технологик жараёнлари диққат марказида бўлди.
Мутасаддилар иншоотнинг иш самарадорлиги, оқава сувларни фильтрлаш босқичлари ва ҳудуддаги экологик вазиятга таъсири юзасидан батафсил ахборот беришди. Шунингдек, мавжуд инфратузилманинг эскириш даражаси ва замонавий тозалаш ускуналарини жорий этиш масалалари атрофлича таҳлил қилинди.
Жамоатчилик назорати гуруҳи иншоотнинг техник ҳолатини кўздан кечирар экан, сувни тозалаш сифатини янада ошириш ва атрофга нохуш ҳид тарқалишининг олдини олиш зарурлигига алоҳида урғу берди.
«Салар иншооти нафақат туман, балки шаҳар миқёсидаги стратегик объект ҳисобланади. Бизнинг вазифамиз – бу ердаги тозалаш жараёнлари белгиланган экологик меъёрларга тўлиқ жавоб беришини таъминлаш. Иншоотда аниқланган айрим техник камчиликлар ва модернизация эҳтиёжлари бўйича юқори турувчи ташкилотларга асослантирилган таклифлар киритамиз», – дея жараёнга муносабат билдирди Экологик партиядан Тошкент шаҳар Кенгаши депутати Севара Файзиева.
Ўрганиш якунлари бўйича тизим фаолиятини такомиллаштириш, инновацион экологик технологияларни татбиқ этиш юзасидан тегишли тавсиялар ишлаб чиқилди. Мазкур масаланинг ижроси партиянинг доимий назоратида қолиши белгилаб олинди.
Ҳозирги глобаллашув шароитида атроф-муҳитни муҳофаза қилиш ва табиий ресурслардан оқилона фойдаланиш борган сари долзаб аҳамият касб этмоқда. Сўнгги ўн йилликларда табиий техноген ва антропоген омиллар таъсирида иқлим ўзгариши, ўртача ҳароратнинг кўтарилиши, ёғингарчилик меъёрларининг ўзгариши юзага келмоқда.
Батафсил
Табиат – инсониятга берилган бебаҳо неъмат. Уни асраб-авайлаш, атроф-муҳит мусаффолигини таъминлаш нафақат давлат идоралари, балки ҳар бир фуқаронинг виждоний бурчидир. Ўзбекистон Экологик партияси томонидан ташкил этилаётган экологик акциялар айнан шу мақсадга хизмат қилмоқда.
Батафсил
Кўчиб юрувчи ёввойи ҳайвон турларини сақлаш тўғрисидаги Конвенция Томонларининг 15-конференсияси (CMS COP15) якунларига кўра, биохилма-хилликни сақлаш бўйича глобал чораларни кучайтиришга қаратилган муҳим қарорлар қабул қилинди.
Батафсил
Ҳозирги глобаллашув шароитида атроф-муҳитни муҳофаза қилиш ва табиий ресурслардан оқилона фойдаланиш борган сари долзаб аҳамият касб этмоқда. Сўнгги ўн йилликларда табиий техноген ва антропоген омиллар таъсирида иқлим ўзгариши, ўртача ҳароратнинг кўтарилиши, ёғингарчилик меъёрларининг ўзгариши юзага келмоқда.
Табиат – инсониятга берилган бебаҳо неъмат. Уни асраб-авайлаш, атроф-муҳит мусаффолигини таъминлаш нафақат давлат идоралари, балки ҳар бир фуқаронинг виждоний бурчидир. Ўзбекистон Экологик партияси томонидан ташкил этилаётган экологик акциялар айнан шу мақсадга хизмат қилмоқда.
Кўчиб юрувчи ёввойи ҳайвон турларини сақлаш тўғрисидаги Конвенция Томонларининг 15-конференсияси (CMS COP15) якунларига кўра, биохилма-хилликни сақлаш бўйича глобал чораларни кучайтиришга қаратилган муҳим қарорлар қабул қилинди.
Президентимиз томонидан «Яшил макон» умуммиллий лойиҳаси доирасида илгари сурилган муҳим ташаббуслар юртимизда экологик барқарорликни таъминлаш ҳамда ҳудудларни кўкаламзорлаштириш йўлидаги изчил сиёсатнинг амалий тасдиғи бўлди.
Ўзбекистон Экологик партияси Тошкент шаҳар кенгашининг 2026 йилга мўлжалланган чора-тадбирлар режасига мувофиқ, Сергели туманида жойлашган «Салар» оқава сувларни тозалаш иншоотида жамоатчилик назорати тадбири ўтказилди.
