Пайшанба
23-Июл 2026
Ер қаърини муҳофаза қилиш, экология ва саноат хавфсизлигини таъминлаш масаласи Ўзбекистон Экологик партияси дастурий мақсадларида алоҳида кўзда тутилган. Партиядан сайланган депутатлар томонидан ушбу йўналишда доимий жамоатчилик ва депутатлик назорати олиб борилмоқда.
Куни кеча Олий Мажлис Қонунчилик палатасидаги Ўзбекистон Экологик партияси фракцияси ташаббуси билан ўтказилган «Ҳукумат соати»да ер қаъридан фойдаланиш соҳасида атроф-муҳит, ер ва сув ресурсларини муҳофаза қилиш, шунингдек, тоғ-кон ишларини олиб боришда хавфсизлик талабларига риоя этиш масалалари муҳокама этилди. Депутатлар саволларига Тоғ-кон саноати ва геология вазирлиги мутасаддилари жавоб берди.
Тоғ-кон саноати ва геология вазири Бобур Исломовнинг таъкидлашича, ер қаъридан фойдаланиш жараёнларини рақамлаштириш, сунъий интеллект технологияларини жорий этиш, экологик ва саноат хавфсизлигини таъминлаш, бузилган ерларни рекультивация қилиш ҳамда коррупцияга қарши курашиш бўйича изчил ишлар амалга оширилмоқда. 2 мингдан ортиқ фойдали қазилма участкалари бўйича рақамли ҳисобни юритувчи «Геомониторинг» ахборот тизими яратилди. Лицензия ва рухсатномаларни расмийлаштириш электрон шаклга ўтказилди. Тоғ-кон саноати ва геология соҳасидаги жараёнларнинг шаффофлигини оширишга қаратилган рақамли назорат механизмлари босқичма-босқич жорий этилмоқда.
Бузилган ерларни қайта тиклаш ишлари алоҳида эътиборда турибди. 2025 йилда 2 минг 85 гектар ер рекультивация қилинган бўлса, 2026 йилнинг биринчи ярим йиллигида яна 340,8 гектар майдонда тиклаш ишлари амалга оширилди. Жорий йил якунига қадар камида минг гектар ерни рекультивация қилиш режалаштирилган. Шу билан бирга, сувдан фойдаланишни ҳисобга олиш тизими ва ер ости сувларидан фойдаланиш устидан назоратни такомиллаштириш ишлари давом эттирилмоқда.
– Ҳудудларга чиққанимизда, назорат-таҳлил тадбирларида айнан ер майдонларини тиклаш ва сув ресурсларидан оқилона фойдаланиш бўйича бир қатор ижодий ишлар билан бирга, муаммолар ҳам борлигига гувоҳ бўляпмиз, – дейди Олий Мажлис Қонунчилик палатаси депутати, Ўзбекистон Экологик партияси фракцияси аъзоси Моҳира Ходжаева. – Ушбу йўналишда вазирлик билан биргаликда амалга ошириш зарур бўлган вазифалар бор. «Ҳукумат соати» давомида ҳам бу борадаги саволларимизга жавоб олдик, ҳамкорликда бажаришимиз зарур бўлган ишларни белгиладик. Бу ҳамкорлик тоғ-кон саноатида амалга оширилаётган ислоҳотлар самарадорлигига, соҳага ажратилаётган бюджет маблағларидан унумли ва ҳисобли тарзда фойдаланишга хизмат қилади.
«Ҳукумат соати» давомида депутатлар муҳокама қилинаётган мавзу юзасидан вазирга ўзларини қизиқтирган саволларни бердилар.
Ер қаърини муҳофаза қилиш, экология ва саноат хавфсизлигини таъминлаш масаласи Ўзбекистон Экологик партияси дастурий мақсадларида алоҳида кўзда тутилган. Партиядан сайланган депутатлар томонидан ушбу йўналишда доимий жамоатчилик ва депутатлик назорати олиб борилмоқда.
Батафсил
Бугунги кунда дунёда энергия ресурсларига бўлган эҳтиёж ортиб бормоқда. Табиий газ, нефть ва кўмир каби анъанавий ёқилғилардан ортиқча фойдаланиш эса экологик муаммоларни янада кучайтиради. Шу сабабли қайта тикланувчи энергия манбаларига қизиқиш тобора кучайиб бораяпти. Бу борада истиқболли йўналишлардан бири бўлган биогаз технологияси алоҳида аҳамиятга эга.
Батафсил
Бугунги ҳаётимизни пластик пакетларсиз тасаввур қилиш қийин. Улар енгил, арзон ва қулай. Аммо ҳар бир қулайликнинг ўз баҳоси бор.
Батафсил
Ер қаърини муҳофаза қилиш, экология ва саноат хавфсизлигини таъминлаш масаласи Ўзбекистон Экологик партияси дастурий мақсадларида алоҳида кўзда тутилган. Партиядан сайланган депутатлар томонидан ушбу йўналишда доимий жамоатчилик ва депутатлик назорати олиб борилмоқда.
Бугунги кунда дунёда энергия ресурсларига бўлган эҳтиёж ортиб бормоқда. Табиий газ, нефть ва кўмир каби анъанавий ёқилғилардан ортиқча фойдаланиш эса экологик муаммоларни янада кучайтиради. Шу сабабли қайта тикланувчи энергия манбаларига қизиқиш тобора кучайиб бораяпти. Бу борада истиқболли йўналишлардан бири бўлган биогаз технологияси алоҳида аҳамиятга эга.
Бугунги ҳаётимизни пластик пакетларсиз тасаввур қилиш қийин. Улар енгил, арзон ва қулай. Аммо ҳар бир қулайликнинг ўз баҳоси бор.
Бугунги кунда саноат корхоналарида ишлаб чиқариш жараёнларини модернизация қилиш нафақат иқтисодий самарадорлик, балки атроф-муҳит мусаффолигини сақлаш нуқтаи назаридан ҳам ўта долзарб аҳамият касб этмоқда.
Ёшларни техникумларга кенг жалб этиш, таълим сифатини ошириш, меҳнат бозори талабларига мос кадрлар тайёрлаш ва таълим муассасалари фаолияти самарадорлигини ошириш бугунги куннинг энг долзарб масалаларидан биридир.
