Энди болаларимиз дори Ичиб нобуд бўлмайди...(ми?)
Қалбаки дори сотаётганларга жазо кучайтириляпти
БатафсилШу пайтга қадар дорихона тармоқларида дори-дармон нархларини бесабаб, асоссиз равишда ошириш ҳоллари кузатилган эди. Аҳолининг ҳақли эътирозларига сабаб бўлаётган ушбу салбий ҳолатларнинг олдини олиш, келгусида бунга йўл қўймаслик мақсадида бугун энг қатъий чоралар кўрилмоқда.
Президентимиз Шавкат Мирзиёевнинг 2016 йил 31 октябрдаги «Аҳолини дори-дармон воситалари ва тиббиёт буюмлари билан таъминлашни янада яхшилашга доир чора-тадбирлар тўғрисида»ги қарорида тегишли мутасадди вазирлик ва идоралар олдига аниқ вазифалар қўйилди. Шу билан ижтимоий аҳамиятга эга бўлган жами 343 номдаги дори воситалари (98 таси маҳаллий ва 201 таси чет элники, 18 хил маҳаллий ва 26 турдаги хорижда ишлаб чиқарилган тиббий буюмлар) рўйхати тасдиқланиб, улар ҳар чоракда тасдиқланадиган қатъий чекланган нархларда сотилиши белгиланди ва бу жорий йилнинг 7 мартидан кучга кирди.
Мана, орадан бирмунча вақт ўтди. Хўш, республикамиз дорихоналарида рўйхатга киритилган ҳаётий муҳим дори воситаларининг нархи белгиланган аниқ қийматдан ошмаяптими? Умуман, фармацевтика фаолиятини амалга оширишда қонун ҳужжатларига амал қилиняптими?
— Афсуски, бу борада қонунбузилиш ҳолатлари учраб турибди, — дейди Соғлиқни сақлаш вазирлигининг Дори воситалари ва тиббий техника сифатини назорат қилиш Бош бошқармаси бошлиғи вазифасини бажарувчи Исмат АЗИЗОВ. — Жумладан, жорий йилнинг 15 март ҳолатига кўра, Бош прокуратура ҳузуридаги солиқ, валютага оид жиноятларга ва жиноий фаолиятдан олинган даромадларни легаллаштиришга қарши курашиш департаментининг вилоят бўлимлари томонидан жами 870 та дорихона ва дорихона филиалларига нисбатан аниқланган фармацевтика фаолияти бўйича қонунбузарликлар юзасидан тақдимномалар келиб тушди. Уларни фармацевтика фаолиятини Лицензиялаш кенгаши кўриб чиқиб, 255 та дорихона ва дорихона филиалларига берилган лицензияларнинг амал қилинишини 10 кун муддатга тўхтатиш юзасидан қарор қабул қилди.
Бундан ташқари, 615 та дорихона ва дорихона филиалларига берилган лицензияларнинг амал қилишини тугатиш тўғрисида хўжалик судига даъво ариза киритиш ҳақида қарор қабул қилинди. Шундан 586 та дорихонага тегишли бўлган даъво аризалари хўжалик судига тақдим этиб бўлинди. Қолган дорихоналар бўйича ҳужжатлар расмийлаштирилмоқда.
Ўз мухбиримиз
Ўхшаш мақолалар
Экологик маданият – мамлакат келажагининг пойдевори Нега давлат стратегияси ҳар бир инсон онгидан бошланади?
Бугун экология оддий муҳокама мавзуси эмас, балки давлат сиёсатидаги энг муҳим йўналишлардан бирига айланди. Ўзбекистон Республикасида қабул қилинаётган стратегик ҳужжатлар буни яққол тасдиқлайди.
Батафсил
Ноқонуний кушхоналар: хавф ва салбий оқибатлар
Аҳолининг гўшт ва гўшт маҳсулотларига бўлган эҳтиёжини қондириш жараёни ҳисобланган ҳайвонларни сўйиш – нафақат озиқ-овқат хавфсизлиги, балки қатъий экологик назоратни талаб қиладиган мураккаб технологик занжирдир.
Батафсил
Кўп ўқилганлар
-
Энди болаларимиз дори Ичиб нобуд бўлмайди...(ми?)
Қалбаки дори сотаётганларга жазо кучайтириляпти
-
Экологик маданият – мамлакат келажагининг пойдевори Нега давлат стратегияси ҳар бир инсон онгидан бошланади?
Бугун экология оддий муҳокама мавзуси эмас, балки давлат сиёсатидаги энг муҳим йўналишлардан бирига айланди. Ўзбекистон Республикасида қабул қилинаётган стратегик ҳужжатлар буни яққол тасдиқлайди.
-
Ноқонуний кушхоналар: хавф ва салбий оқибатлар
Аҳолининг гўшт ва гўшт маҳсулотларига бўлган эҳтиёжини қондириш жараёни ҳисобланган ҳайвонларни сўйиш – нафақат озиқ-овқат хавфсизлиги, балки қатъий экологик назоратни талаб қиладиган мураккаб технологик занжирдир.
-
«Матонат мадҳияси»
Юртимиз узра 9 май – Хотира ва қадрлаш куни шукуҳи кўнгилларга чўғ солган ҳолда оламга илиқлик уруғларини сочиб кезиб юрибди. Шунга монанд агар сизнинг ҳам қалбингизга юқоридаги каби қайноқ чўғ тушган бўлса ҳамда муҳим санани муносиб кутиб олиш ва ўтмишдаги жасоратларни юракдан ҳис қилиш учун бир маскан излаётган бўлсангиз, мана сизга ҳақиқий зиёратгоҳ – муҳташам Ғалаба боғи!
-
Амалиёт илмга асосланса самара беради
Замон шиддат билан илгариламоқда. Кечагина ахборотни газета саҳифалари ёки эфир орқали қабул қилган жамият бугун уни бир вақтнинг ўзида видео, аудио, инфографика ва турли рақамли платформалар орқали истеъмол қилмоқда. Ахборот майдони кенгайди, имкониятлар ортди. Аммо бу кенгайиш ўз-ўзидан янги бир масъулиятни, тезлик ортидан қувиш жараёнида ишончлиликни йўқотмасликни ҳам талаб қилади.