Душанба
20-Апрел 2026
Қишлоқ жойларда доимий иш билан банд бўлмаган аҳолини чорвачилик, паррандачилик, тикувчилик каби соҳаларда иш бошлашига катта йўл очиб берилмоқда. Аммо фуқаролар билан мулоқот қилганда, айримларнинг бу борадаги мурожаати жавобсиз қолаётганига гувоҳ бўлдик.
Бўка тумани Янгибоғ маҳалласида истиқомат қилувчи фуқаро Дилшода Марҳабоева қорамол олиш учун кредит сўраб февраль ойида «Агробанк»нинг туман филиалига ҳужжат топширди. Қайта-қайта қилган мурожаатлари жавобсиз қолгач, бу ишдан самара чиқмаслигига амин бўлди.
Бизга шу муаммога ечим топишда кўмак беришимизни сўраб мурожаат қилган Дилшода Марҳабоеванинг турмуш ўртоғи Хондамир Марҳабоев билан бирга «Агробанк»нинг Бўка туман филиалига бордик. Кредит бўлими ходимлари масъулиятни ўзидан соқит қилиш мақсадида «онангга бор — отангга бор» қабилида иш тутиб, саволларимизга жавоб беришни истамади. Шунда масалага ойдинлик киритишини сўраб банк бошқарувчиси ўринбосарига учрашдик. Бу ходим ҳам икки ойдан буён тоби йўқлиги, ишга бугун чиққанини важ қилди.
— Аҳолини тадбиркорликка жалб қилиш мақсадида 2016 йил декабрь ойидан жорий йилнинг май ойигача 444 та хонадонга 3 миллиард 421 миллион сўм кредит ажратилди, — дейди «Агробанк» Бўка туман филиали бошқарувчиси ўринбосари Дадажон КАМОЛОВ. — Шундан қорамол учун 379 хонадонга 2 миллиард 816 миллион сўмлик кредит берилди. Ҳозирда паррандачилик, ишлаб чиқариш, қуёнчилик, асаларичилик ва тикувчилик каби соҳаларга исталганча кредит бериляпти. Қорамол учун эса вилоят «Агробанк»и тизимида захира маблағ камайгани сабаб бу муаммо ўз ечимини топиши билан фуқароларнинг бу борадаги мурожаатлари ижобий ҳал этилади.
Биз билан бирга ўз муаммосига ечим қидириб банкка кирган фуқаро ўзининг шакллантирилган рўйхатда тўртинчи ўринда тургани, имкон бўлиши билан кредит олиши мумкинлигини билиб, анча кўнгли кўтарилди.
Аҳоли бандлигини таъминлаш учун очиб берилаётган кенг имкониятлар эшигида мутасаддиларнинг тўсиқ бўлиб қолаётгани анчагина тушунмовчиликларни пайдо қилиши мумкин. Ҳар қандай ҳолатда ҳам ёндашувни бироз ўзгартириб, фуқарога тўлиқ ва батафсил тушунча бериш уни вазият юзасидан холис хулоса чиқаришга ундайди.
Олий Мажлис Қонунчилик палатасининг навбатдаги мажлисида коррупцияга чек қўйиш ва аҳолининг ижтимоий ҳимоясини кучайтиришга қаратилган бир қатор муҳим қонун лойиҳалари муҳокамалар марказида бўлди. Депутатлар томонидан кўриб чиқилган янги тартиблар нафақат жазо чораларини қатъийлаштириш, балки фуқаролар учун давлат хизматларини соддалаштиришни ҳам кўзда тутади.
Батафсил
Ислом цивилизацияси марказининг очилиши халқимизнинг тарихий ўрни ва маънавий қудратини дунёга яна бир бор намоён этган муҳим воқелик бўлди.
Батафсил
Олий Мажлис Қонунчилик палатасининг навбатдаги мажлисида коррупцияга чек қўйиш ва аҳолининг ижтимоий ҳимоясини кучайтиришга қаратилган бир қатор муҳим қонун лойиҳалари муҳокамалар марказида бўлди. Депутатлар томонидан кўриб чиқилган янги тартиблар нафақат жазо чораларини қатъийлаштириш, балки фуқаролар учун давлат хизматларини соддалаштиришни ҳам кўзда тутади.
Дунё нега фарзандларини ижтимоий тармоқдан тўсмоқда?
Ислом цивилизацияси марказининг очилиши халқимизнинг тарихий ўрни ва маънавий қудратини дунёга яна бир бор намоён этган муҳим воқелик бўлди.
Янги Ўзбекистоннинг энг катта стратегик ресурси бўлган навқирон авлод вакиллари жўшқин шижоати, креатив фикрлаши ва янгиликка интилувчанлиги билан инновацион ривожланиш ва барча жабҳада ижобий ўзгаришларнинг ҳаракатлантирувчи кучи ҳисобланади.
Бугунги кунда туризм соҳаси дунё мамлакатларида миллий иқтисодиётга салмоқли даромад келтирувчи тармоқлардан бири ҳисобланади. Мамлакатимизда ҳам ушбу соҳанинг жадал ривожланиши, айниқса экотуризм, агротуризм, археологик, этнографик ва экстремал ноанъанавий туризм йўналишлари тўғридан-тўғри табиат ва унинг бебаҳо ресурслари билан уйғунликда амалга оширилмоқда.
