соҳаси танқидий ўрганилади

Ногиронларга тиббий-ижтимоий ёрдам кўрсатиш, уларнинг таълим олиш ва ишга жойлашиши, шунингдек, ногиронларни давлат томонидан қўллаб-қувватлашни таъминлаш соҳасидаги ваколатли органлар фаолияти танқидий ўрганилади.

Бу Президентнинг 2017 йил 1 августда имзолаган «Ногиронларни давлат томонидан қўллаб-қувватлаш тизимини янада такомиллаштириш чора-тадбирлари тўғрисида»ги фармойишида белгилаб қўйилди.

Фармойишга мувофиқ, ногиронларни давлат томонидан қўллаб-қувватлаш тизимини тубдан такомиллаштиришга қаратилган таклифларни тайёрлаш бўйича комиссия ташкил этилди. Комиссия соҳада қонунчиликдаги бўшлиқлар, камчиликлар, коррупциявий омилларни аниқлаш, тиббий-малакавий комиссиялар ва тиббий-меҳнат эксперт комиссиялари фаолиятида шаффофлик ва очиқликни таъминлаш, тартиб-таомилларни соддалаштириш, муддатларини қисқартириш, ногиронларнинг жамоат транспорти, ижтимоий ва бошқа инфратузилма объектларидан тўсқинликсиз фойдаланишини таъминлаш  ва шу каби қатор муҳим масалаларни танқидий-таҳлилий ўрганиб, жорий йилнинг 15 сентябрига қадар асослантирилган таклифларни тайёрлайди.