Душанба
20-Апрел 2026
Президентимиз Шавкат Мирзиёев халқ депутатлари Самарқанд вилояти Кенгашининг навбатдан ташқари сессиясида сўзлаган нутқида аёллар томонидан содир этилаётган жиноятларнинг кўпайиб кетаётгани ҳақида тўхталиб: «Хотин-қизлар қўмитасининг масъул раҳбарлари бу рақамларни қандай изоҳлайди?» деган саволни кўндаланг қўйди.
Хотин-қизлар жиноятлари, ўз жонига қасд этаётганлар, нотинч оилалар, нотинч қўшнилар ҳақидаги сўзларидан, шубҳасиз, ҳар биримиз ўзимизга керакли хулосалар чиқариб олдик. Шу боис олиб бораётган ишларимиз натижасини ҳисоботларда эмас, балки амалда кўрсатишимиз кераклигини яна бир бор ҳис этдик.
Сирдарё вилоятида хотин-қизлар ўртасида оғзаки тарғибот-ташвиқот олиб бориш билан чекланмай, уларга амалий ёрдам бериш чораларини кўряпмиз. Профилактик ҳисобда турган, нотинч оилаларнинг аъзолари, жиноятга ва суиқасдга мойил хотин-қизлар истиқомат қиладиган хонадонлар билан тўғридан-тўғри мулоқотни йўлга қўйиб, уларни жамият ҳаётига тортиш масалалари кун тартибимиздан доимий ўрин олган. Ҳар ойнинг иккинчи ва тўртинчи шанба куни «Қизлар билан очиқ мулоқот кунлари» ташкил этилмоқда. Чунки муаммонинг илдизи ана шунда, ўз жонига қасд қилаётган, жиноятга қўл ураётган опа-сингилларимиз айнан жамият ҳаётидан узилиб, майда-чуйда муаммоларга ўралашиб қолган аёллар ва қизлардир. Уларни қуруқ гап билан эмас, балки амалий иш билан фаолликка чорлаш зарур. Биз уларга муносиб иш ўринлари таклиф қиляпмиз. Иккинчи-учинчи чорак давомида вилоятимизда 300 нафардан зиёд аёл касаначи сифатида иш бошлади, уларга уй олишлари учун имтиёзлар берилди, яъни касаначи бўлиб кирган корхоналар уй учун бошланғич бадални тўлаб беришди. Президентимиз ташаббуси билан Гулистон ва Янгиер шаҳарларида эркин иқтисодий зоналар яратилиб, қатор корхоналар ишга туширилмоқда, Сирдарё туманида фармацевтика бўйича шундай зона иш бошлади. Ушбу корхоналарда яратилаётган иш ўринларининг қарийб 50 фоизи хотин-қизлар учун мўлжалланган.
Шу билан бирга, хотин-қизлар ўртасида якка тадбиркорликни ривожлантириш борасида тижорат банклари билан доимий ҳамкорлик қиляпмиз. 2017 йилнинг 10 ойи давомида 330 нафардан зиёд опа-сингилларимиз имтиёзли кредит олиб, ўз бизнесини йўлга қўйди.
Олиб бораётган ишларимиз самараси ўлароқ 2017 йилнинг 10 ойи мобайнида Сирдарё вилоятида аёллар ўртасида жиноятчилик 2016 йилнинг шу даврига нисбатан 79 тага камайди. Ҳали олдинда қиладиган ишларимиз кўп, айниқса, ишсиз хотин-қизларни иш билан таъминлашни, жиноят йўлига бир бора киргану, қилмишидан пушаймон аёлларимизни жамиятга қўшишни ўз олдимизга мақсад қилиб қўйганмиз.
Жорий йилнинг биринчи чораги Ўзбекистон Экологик партияси фракцияси учун муҳим давр бўлиб, мамлакатнинг «яшил» иқтисодиётга ўтиш жараёнларини тезлаштириш фракция фаолиятида, депутатларнинг аҳоли билан мулоқотида энг устувор масалага айланди.
Батафсил
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Батафсил
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Батафсил
Жорий йилнинг биринчи чораги Ўзбекистон Экологик партияси фракцияси учун муҳим давр бўлиб, мамлакатнинг «яшил» иқтисодиётга ўтиш жараёнларини тезлаштириш фракция фаолиятида, депутатларнинг аҳоли билан мулоқотида энг устувор масалага айланди.
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Олий Мажлис Қонунчилик палатасининг навбатдаги мажлисида ҳуқуқбузарликларнинг олдини олиш ва уларга қарши курашиш самарадорлигини кенгайтириш, суд ҳокимияти органлари фаолиятини молиялаштириш, аҳолининг молиявий хатарлар ҳақида хабардорлигини ошириш, саноат хавфсизлиги тизимини мустаҳкамлаш ҳамда креатив иқтисодиётни ривожлантиришга доир қатор қонун лойиҳалари атрофлича кўриб чиқилди.
