Душанба
20-Апрел 2026
Қиш мавсуми бошланиши билан электр энергияси тизимида айрим носозликлар кузатилиши табиий. Бунга йўл қўймаслик учун эса тизимни пухта назорат қилиш талаб этилади. Бу борада Президентимизнинг 2017 йил 22 июндаги «Республика иқтисодиёти тармоқлари ва ижтимоий соҳаларини 2017/2018 йиллар куз-қиш даврида барқарор ишлашга комплекс тайёрлашни таъминлаш чора-тадбирлари тўғрисида»ги қарори қабул қилинган.
— Қарорга асосан ишлаб чиқилган дастурга кўра, республика бўйича 18 минг 320 километр электр ўтказиш тармоқлари ва 6 минг 272 та трансформатор пунктлари мукаммал таъмирланди, — дейди «Ўзбекэнерго» АЖ бошқаруви раиси ўринбосари Рўзиқул РАЙИМОВ. — Куз-қиш мавсумида юзага келадиган носозликларни бартараф этиш мақсадида 324 та бригада ташкил этилиб, улар барча зарур воситалар билан таъминланди.
— Электр энергияси учун ҳақ тўлашда янгича механизм жорий этилмоқда экан. Шу ҳақда маълумот берсангиз.
— Дарҳақиқат, яқин вақт ичида корхона-ташкилот бўладими, хонадонми, электр ҳисоблаш ва узатиш тизимида табақалаш режимига ўтишга киришилади. Содда қилиб тушунтирадиган бўлсак, бундан буён хонадон бир ойда, масалан, 200 киловаттгача электр энергия ишлатса, арзонроқ, 200 дан 400 киловаттгача сарфласа, нисбатан қимматроқ тарифда пул тўлайди. Айни пайтда бу тизимни дастурлаш билан боғлиқ ишларни якунлаш қолган, холос.
— Мамлакатимизнинг айрим чекка ҳудудларида усти очиқ трансформаторлар, ёғочдан ясалган симёғочлар ҳалигача бор. Бу, ўз навбатида, ёғингарчиликда турли кўнгилсизликларни келтириб чиқариш хавфини оширади. Мазкур муаммони бартараф этиш учун нималар қилиняпти?
— Юртимизнинг кўп ҳудудларида электрлаштириш ускуналари 1965 йилдан сўнг, ўн йил ичида қуриб топширилган. Шу боис асосий ишларимиздан бири — эскирган, ишлаб чиқариш қуввати пасайиб қолган ускуналарни замонавий технологияларга алмаштириш, модернизация ва реконструкция қилишдан иборат. Жорий йилнинг ўн ойи давомида иссиқлик электр станцияларида умумий қиймати 13,4 миллион АҚШ долларига тенг 36 та янги энергоускуна ўрнатилди. Бу жараён яқин беш йил ичида якунланади, дея олмайман. Аммо ҳар бир ҳудудга етиб бориши устида фаол ишлар олиб борилмоқда.
Олий Мажлис Қонунчилик палатасининг навбатдаги мажлисида коррупцияга чек қўйиш ва аҳолининг ижтимоий ҳимоясини кучайтиришга қаратилган бир қатор муҳим қонун лойиҳалари муҳокамалар марказида бўлди. Депутатлар томонидан кўриб чиқилган янги тартиблар нафақат жазо чораларини қатъийлаштириш, балки фуқаролар учун давлат хизматларини соддалаштиришни ҳам кўзда тутади.
Батафсил
Ислом цивилизацияси марказининг очилиши халқимизнинг тарихий ўрни ва маънавий қудратини дунёга яна бир бор намоён этган муҳим воқелик бўлди.
Батафсил
Олий Мажлис Қонунчилик палатасининг навбатдаги мажлисида коррупцияга чек қўйиш ва аҳолининг ижтимоий ҳимоясини кучайтиришга қаратилган бир қатор муҳим қонун лойиҳалари муҳокамалар марказида бўлди. Депутатлар томонидан кўриб чиқилган янги тартиблар нафақат жазо чораларини қатъийлаштириш, балки фуқаролар учун давлат хизматларини соддалаштиришни ҳам кўзда тутади.
Дунё нега фарзандларини ижтимоий тармоқдан тўсмоқда?
Ислом цивилизацияси марказининг очилиши халқимизнинг тарихий ўрни ва маънавий қудратини дунёга яна бир бор намоён этган муҳим воқелик бўлди.
Янги Ўзбекистоннинг энг катта стратегик ресурси бўлган навқирон авлод вакиллари жўшқин шижоати, креатив фикрлаши ва янгиликка интилувчанлиги билан инновацион ривожланиш ва барча жабҳада ижобий ўзгаришларнинг ҳаракатлантирувчи кучи ҳисобланади.
Бугунги кунда туризм соҳаси дунё мамлакатларида миллий иқтисодиётга салмоқли даромад келтирувчи тармоқлардан бири ҳисобланади. Мамлакатимизда ҳам ушбу соҳанинг жадал ривожланиши, айниқса экотуризм, агротуризм, археологик, этнографик ва экстремал ноанъанавий туризм йўналишлари тўғридан-тўғри табиат ва унинг бебаҳо ресурслари билан уйғунликда амалга оширилмоқда.
