Душанба
20-Апрел 2026
Ўзбекистон Республикаси Марказий банкидан жавоб келди
Газетамизнинг жорий йил 1 февраль сонида «Талабани ўқишдан йиқитаётган ким? 600 нафар йигит-қиз талабаликдан кетди. Сабаб...» сарлавҳали мақола эълон қилинган эди. Унда бугунги кунда айрим юртдошларимизнинг банклардан талаба кредити олишда дуч келаётган муаммолари, юзага келтирилаётган сунъий тўсиқлар хусусида сўз боради.
Мазкур мақолага Ўзбекистон Республикаси Марказий банки томонидан муносабат билдирилди. Банк раисининг ўринбосари Адҳам Исламов имзоси билан жавоб хати келди. Лекин…
Афсуски, ушбу хатдан бошига шу мусибат тушган инсонларни қониқтирадиган ҳеч қандай фойдали маълумотни топмадик. Мақолада айтилган муаммо ечими юзасидан лом-мим дейилмаган. Мақолага йўлланган муносабат талаба кредити олишнинг шартлари ва яратилган имтиёзлар ҳақида баландпарвоз жумлалардан иборат, холос. Ҳолбуки, биз бутунлай бошқача изоҳ кутган эдик. Хусусан, ўтган йилда фуқаролар томонидан банкларга талаба кредити масаласида қанча мурожаат тушгани, уларнинг нечтаси ижобий ҳал этилганини билмоқчи эдик. Агар бирон юртдошимизнинг мурожаати асосли тарзда рад қилинган бўлса, бунинг сабаблари газетхонларга тўғри тушунтирилишига умид боғлагандик.
Ҳеч бўлмаганда, агар банклар кредит ажратишда ўзини пайсалга солиш ҳоллари кузатилган бўлса, Марказий банкнинг ишонч телефонига қанча шикоят келиб тушгани ва улар қай даражада қаноатлантирилгани хусусида маълумот берилганда ҳам фойдадан холи бўлмасди. Ахир, ўқишдан четлатилган собиқ талабаларнинг наҳотки бирортаси ана шу халоскор, нажоткор рақамга қўнғироқ қилмаган бўлса?!
Хуллас, арава қуруқ олиб қочилди. Фақат Марказий банк тақдим этган хат сўнггида мақолада тилга олинган талабалар ҳақида тўлиқ хабар берилса, кўрсатиб ўтилган ҳолатлар белгиланган тартибда ўрганиб чиқилишини маълум қилган. Аммо бунга энди ҳожат йўқ, назаримизда. Чунки талабалар сафидан чиқарилган талабага энди ҳар қанча кредит ажратишдан ҳеч қандай наф йўқ. У ўқишга қайта тикланмайди.
Шундай экан, биз банкка талаба кредити масаласида ёрдам сўраб келган ҳар бир йигит-қиз бу ердан муроди ҳосил бўлиб кетиши тарафдоримиз. Зеро, буни назорат қилиш ва ижросини таъминлаш айнан Марказий банкнинг зиммасидаги вазифадир. Буни унутишга уларнинг асло ҳақи йўқ.
Олий Мажлис Қонунчилик палатасининг навбатдаги мажлисида коррупцияга чек қўйиш ва аҳолининг ижтимоий ҳимоясини кучайтиришга қаратилган бир қатор муҳим қонун лойиҳалари муҳокамалар марказида бўлди. Депутатлар томонидан кўриб чиқилган янги тартиблар нафақат жазо чораларини қатъийлаштириш, балки фуқаролар учун давлат хизматларини соддалаштиришни ҳам кўзда тутади.
Батафсил
Ислом цивилизацияси марказининг очилиши халқимизнинг тарихий ўрни ва маънавий қудратини дунёга яна бир бор намоён этган муҳим воқелик бўлди.
Батафсил
Олий Мажлис Қонунчилик палатасининг навбатдаги мажлисида коррупцияга чек қўйиш ва аҳолининг ижтимоий ҳимоясини кучайтиришга қаратилган бир қатор муҳим қонун лойиҳалари муҳокамалар марказида бўлди. Депутатлар томонидан кўриб чиқилган янги тартиблар нафақат жазо чораларини қатъийлаштириш, балки фуқаролар учун давлат хизматларини соддалаштиришни ҳам кўзда тутади.
Дунё нега фарзандларини ижтимоий тармоқдан тўсмоқда?
Ислом цивилизацияси марказининг очилиши халқимизнинг тарихий ўрни ва маънавий қудратини дунёга яна бир бор намоён этган муҳим воқелик бўлди.
Янги Ўзбекистоннинг энг катта стратегик ресурси бўлган навқирон авлод вакиллари жўшқин шижоати, креатив фикрлаши ва янгиликка интилувчанлиги билан инновацион ривожланиш ва барча жабҳада ижобий ўзгаришларнинг ҳаракатлантирувчи кучи ҳисобланади.
Бугунги кунда туризм соҳаси дунё мамлакатларида миллий иқтисодиётга салмоқли даромад келтирувчи тармоқлардан бири ҳисобланади. Мамлакатимизда ҳам ушбу соҳанинг жадал ривожланиши, айниқса экотуризм, агротуризм, археологик, этнографик ва экстремал ноанъанавий туризм йўналишлари тўғридан-тўғри табиат ва унинг бебаҳо ресурслари билан уйғунликда амалга оширилмоқда.
