Энди болаларимиз дори Ичиб нобуд бўлмайди...(ми?)
Қалбаки дори сотаётганларга жазо кучайтириляпти
БатафсилГазетамизнинг жорий йил 25 январдаги 4-сонида «Ушлайди, жарима ундиради, қўйиб юборади ёхуд мардикор бозоридаги ишсизларни ким ҳимоя қилади?» сарлавҳали мақола эълон қилинган эди.
Унда пойтахтимизнинг Яшнобод туманидаги Вақтинчалик ишларни ташкил этиш бюросида кунлик иш илинжида мардикорликка чиққан фуқароларимиз фаолияти давомида дуч келаётган муаммолари хусусида сўз боради. Ўзбекистон Республикаси Бандлик ва меҳнат муносабатлари вазирлиги мазкур мақолага муносабат билдирди.
Вазир ўринбосари Зокир Умаров имзоси билан келган жавоб хатида вақтинчалик ишларни ташкил этиш бюроларининг вазифалари ҳақида сўз боради. Мақолада айтилган мавжуд муаммолар, хусусан, Вақтинчалик ишларни ташкил этиш бюроси ўз зиммасидаги вазифаларни умуман бажармаётгани хусусида аниқ далиллар келтирилганига қарамай, ушбу ҳолат юзасидан бирор нима дейилмаган.
Аслида вазирлик мақолада тилга олинган мардикор бозоридаги вазиятни ўрганиб, таҳлил қилиб, шундан сўнг, жавоб йўллашини кутган эдик. Аммо бундай бўлмади. Кўтарилган муаммо ечимига бирор мутасадди вақтини ҳам ажратмади, десак, хато бўлмайди. Ахир, халқ давлат идораларига эмас, давлат идоралари халққа хизмат қилиши керак, деган тамойил наҳотки, ҳали-ҳамон бу идора фаолиятига кириб бормаган бўлса?! Вазирлик мутасаддилари ҳеч бўлмаганда пойтахтимизда жойлашган мардикор бозорларининг биттасига бориб, у ерда иш илинжида турган одамлар билан дилдан суҳбат қурса, газета кўтариб чиққан ижтимоий муаммога бу тарзда муносабат билдирмас эди. Минг афсус…
Жорий йил 23 февраль куни пойтахтимиздаги Миллий матбуот марказида Бандлик ва меҳнат муносабатлари вазирлиги иштирокидаги тадбирда юқоридаги муаммоларга изоҳ сўрадик. Ўшанда вазирнинг биринчи ўринбосари Эркин Муҳиддинов мақоладаги эътирозлар айни ҳақиқат экани, фақат баъзи бюро раҳбарлари талаб даражасида ишламаётганини тан олган ҳолда, бу муаммолар тез орада барҳам топишига ҳамда республикамиздаги барча бюролар фаолияти қайта кўриб чиқилиб, улар зарур асбоб-ускуналар билан таъминланиши, иш илинжида келган ҳар бир фуқарога етарли шароит яратилиши ва албатта, унинг меҳнати муҳофазаланишига ваъда берди...
Тадбирдаги гап бошқа-ю, йўлланган хатда бошқа гап. Нима ҳам дердик, вазирлик йўллаган хат эмас, тадбирда айтган гапларига ишонсак, улар ўз олдига қўйган мақсадлари жуда катта. Натижани эса вақт кўрсатади.
Ғолиб МИРЗО
Ўхшаш мақолалар
Экологик маданият – мамлакат келажагининг пойдевори Нега давлат стратегияси ҳар бир инсон онгидан бошланади?
Бугун экология оддий муҳокама мавзуси эмас, балки давлат сиёсатидаги энг муҳим йўналишлардан бирига айланди. Ўзбекистон Республикасида қабул қилинаётган стратегик ҳужжатлар буни яққол тасдиқлайди.
Батафсил
Ноқонуний кушхоналар: хавф ва салбий оқибатлар
Аҳолининг гўшт ва гўшт маҳсулотларига бўлган эҳтиёжини қондириш жараёни ҳисобланган ҳайвонларни сўйиш – нафақат озиқ-овқат хавфсизлиги, балки қатъий экологик назоратни талаб қиладиган мураккаб технологик занжирдир.
Батафсил
Кўп ўқилганлар
-
Энди болаларимиз дори Ичиб нобуд бўлмайди...(ми?)
Қалбаки дори сотаётганларга жазо кучайтириляпти
-
Экологик маданият – мамлакат келажагининг пойдевори Нега давлат стратегияси ҳар бир инсон онгидан бошланади?
Бугун экология оддий муҳокама мавзуси эмас, балки давлат сиёсатидаги энг муҳим йўналишлардан бирига айланди. Ўзбекистон Республикасида қабул қилинаётган стратегик ҳужжатлар буни яққол тасдиқлайди.
-
Ноқонуний кушхоналар: хавф ва салбий оқибатлар
Аҳолининг гўшт ва гўшт маҳсулотларига бўлган эҳтиёжини қондириш жараёни ҳисобланган ҳайвонларни сўйиш – нафақат озиқ-овқат хавфсизлиги, балки қатъий экологик назоратни талаб қиладиган мураккаб технологик занжирдир.
-
«Матонат мадҳияси»
Юртимиз узра 9 май – Хотира ва қадрлаш куни шукуҳи кўнгилларга чўғ солган ҳолда оламга илиқлик уруғларини сочиб кезиб юрибди. Шунга монанд агар сизнинг ҳам қалбингизга юқоридаги каби қайноқ чўғ тушган бўлса ҳамда муҳим санани муносиб кутиб олиш ва ўтмишдаги жасоратларни юракдан ҳис қилиш учун бир маскан излаётган бўлсангиз, мана сизга ҳақиқий зиёратгоҳ – муҳташам Ғалаба боғи!
-
Амалиёт илмга асосланса самара беради
Замон шиддат билан илгариламоқда. Кечагина ахборотни газета саҳифалари ёки эфир орқали қабул қилган жамият бугун уни бир вақтнинг ўзида видео, аудио, инфографика ва турли рақамли платформалар орқали истеъмол қилмоқда. Ахборот майдони кенгайди, имкониятлар ортди. Аммо бу кенгайиш ўз-ўзидан янги бир масъулиятни, тезлик ортидан қувиш жараёнида ишончлиликни йўқотмасликни ҳам талаб қилади.