Жорий йилнинг иккинчи ярмида юртимиздаги «GM Uzbekistan» корхонаси серияли равишда ишлаб чиқарадиган янги авлод «Chevrolet Nexia»

(«Ravon Nexia R3») ўзбек автомобиль тарихида янги босқични бошлаб беради, деб ёзмоқда Gazeta.uz.

Айтилишича, янги улов ҳайдовчи хавфсизлик ёстиғи билан таъминланган (энг юқори позицияда бу олд йўловчи учун ҳам мавжуд). Машина иммобилайзер, кундузги олд чироқлар (DRL) ҳамда «Isofix» болалар ўриндиқлари учун мустаҳкамлагичлар билан таъминланган.

Модель сиғими 1,5 литрга тенг, 16 клапанли 109 от кучига эга бензинли  двигатель, беш босқичли механик ёки олти босқичли автомат тезлик узатмалар қутисига эга. Эълон қилинган ёнилғи сарфи аралаш циклда — 100 км. учун 7,2 литр. Янги «Nexia» қарийб шовқин солмасдан ҳаракатланади.

Тепкилар яхши созланган, тўхташ тепкисини кучли босишга ҳожат йўқ. Капот ва юкхонанинг шовқиндан ҳимоялангани ҳисобига қўшимча қулайлик яратилган. Олд бампер пиёдаларни ҳимоя қилиш талабларига жавоб беради. Машина 11 рангда (4 таси янги ранг) тақдим этилади.