Пайшанба
23-Июл 2026
Қулликдан жабр кўрган тўққиз нафар ёш билан очиқ мулоқот нима беради?
Одам савдоси — инсоннинг шаъни, қадр-қиммати, осойишта турмуши ҳамда келажагига таҳдид солаётган оғир жиноят. Унинг чегара танламаслиги ва гирдобига асосан ишсиз, уюшмаган ёшлар ҳамда аёлларни тортаётгани янада хатарлидир.
Ўзбекистон Республикасининг 2008 йил 17 апрелдаги «Одам савдосига қарши курашиш тўғрисида»ги Қонуни ҳамда Ўзбекистон Республикаси Президентининг 2017 йил 14 мартдаги «Ҳуқуқбузарликлар профилактикаси ва жиноятчиликка қарши курашиш тизимини янада такомиллаштириш чора-тадбирлари тўғрисида»ги Қарори ижросини таъминлаш юзасидан аҳоли, хусусан, ёшлар ўртасида одам савдоси ва ноқонуний меҳнат миграциясининг келиб чиқиш сабаблари ҳамда оқибатларини тушунтиришга алоҳида эътибор қаратиб келинмоқда.
Жумладан, Ўзбекистон ёшлар иттифоқи Қашқадарё вилоят Кенгаши тегишли мутасадди ташкилот вакиллари билан ҳамкорликда одам савдосидан жабрланган тўққиз нафар ёш билан очиқ мулоқот ташкил этди.
— Тарғибот тадбирлари ва тушунтириш ишларининг олиб борилишига қарамай, ҳамон айрим ёшларимиз ушбу жиноят қурбонига айланиб қоляпти, — дейди Ёшлар иттифоқи Қашқадарё вилоят Кенгаши бўлим мудири Маҳлиё ШУКУРОВА. — Очиқ мулоқот давомида ҳар бир жабрланган ёш билан якка тартибда суҳбат ўтказилиб, ҳуқуқий ҳимояси ва бандлигини таъминлашга алоҳида эътибор қаратиляпти.
Мулоқот давомида ёшларнинг таклиф ва истакларидан келиб чиқиб, улар Ўзбекистон ёшлар иттифоқи аъзолигига қабул қилинди.
Мавсумий иш билан бандлигини билдирган 5 нафар жабрланган ёшга Ёшлар иттифоқи қошидаги бепул тўгараклар ҳақида ҳамда ўз яшаш манзилидаги бўш иш ўринлари тўғрисида маълумотлар берилди. Шунингдек, бир нафар ёш Ёшлар иттифоқи ҳамда вилоят Меҳнат бошқармаси ҳамкорлигида Қарши тиббиёт бирлашмасига ишга жойлаштирилди. Яна бир коллеж талабасининг ўқишини тиклаш бўйича мутасадди ташкилотлар билан ҳамкорликда чора-тадбирлар кўрилмоқда. Жабрланувчиларнинг орасида олий таълим муассасасида таълим олаётганлар ҳам бор. Уларга тўғри тушунчалар берилиб, бошланғич ташкилот етакчисига бириктирилди.
Олиб борилаётган бундай ишлардан кўзланган асосий мақсад ёшларнинг онгини ўзгартириш. Шундагина улар тўғри йўлни кўра олади. Ҳар бир ҳаракатида фақат ўзининг эмас, оиласи, жамият ва халқ манфаатларини ҳам ўйлашга ўрганади.
Президентимизнинг Тошкент вилояти Бекобод шаҳрига амалга оширган ташрифи стратегик аҳамиятга эга воқелик сифатида муҳрланди. Ушбу ташриф чоғида нафақат ҳудуддаги ижтимоий-иқтисодий ислоҳотларнинг бориши кўздан кечирилди, балки транспорт инфратузилмаси, саноат салоҳиятини янада юксалтиришга хизмат қиладиган икки муҳим лойиҳага старт берилди.
Батафсил
Абдушукур ҲАМЗАЕВ:
Олий Мажлис Қонунчилик палатасидаги Ўзбекистон Экологик партияси фракцияси раҳбари, партия Марказий Кенгаши раиси Абдушукур Ҳамзаев яқинда дарахтлар, яшил майдонларнинг аҳамияти хусусида муносабат билдирар экан, бир жиҳатга алоҳида тўхталиб ўтди. Иқлим ўзгариши оқибатида дунёнинг кўп қисмида аномал жазирама авж олаётган паллада бу жуда долзарб ҳисобланади:
Батафсил
Шу кунларда футбол бўйича Жаҳон чемпионатида Ватанимиз шарафини ҳимоя қилаётган миллий терма жамоамиз футболчиларининг биргина ҳаракати бизни чин дилдан тўлқинлантириб юборди.
Батафсил
Президентимизнинг Тошкент вилояти Бекобод шаҳрига амалга оширган ташрифи стратегик аҳамиятга эга воқелик сифатида муҳрланди. Ушбу ташриф чоғида нафақат ҳудуддаги ижтимоий-иқтисодий ислоҳотларнинг бориши кўздан кечирилди, балки транспорт инфратузилмаси, саноат салоҳиятини янада юксалтиришга хизмат қиладиган икки муҳим лойиҳага старт берилди.
Абдушукур ҲАМЗАЕВ:
Олий Мажлис Қонунчилик палатасидаги Ўзбекистон Экологик партияси фракцияси раҳбари, партия Марказий Кенгаши раиси Абдушукур Ҳамзаев яқинда дарахтлар, яшил майдонларнинг аҳамияти хусусида муносабат билдирар экан, бир жиҳатга алоҳида тўхталиб ўтди. Иқлим ўзгариши оқибатида дунёнинг кўп қисмида аномал жазирама авж олаётган паллада бу жуда долзарб ҳисобланади:
Шу кунларда футбол бўйича Жаҳон чемпионатида Ватанимиз шарафини ҳимоя қилаётган миллий терма жамоамиз футболчиларининг биргина ҳаракати бизни чин дилдан тўлқинлантириб юборди.
Фарғона водийси нафақат ҳосилдор тупроғи, балки табиатсевар инсонлари билан ҳам қадрлидир. Бу юртда дарахтни оддий ўсимлик эмас, балки ҳаётнинг нафаси, авлодлар хотираси деб билувчи одамлар кўп.
Вазирлар Маҳкамасининг «Ўзбекистон Республикасида гидрометеорология хизмати инфратузилмасини ривожлантириш ва мониторинг қилиш тизимини такомиллаштириш, шунингдек, фуқаро авиацияси ҳаво кемалари парвозларининг хавфсизлигини метеорологик таъминлашга доир қўшимча чора-тадбирлар тўғрисида»ги қарори қабул қилинди.
