Ҳар баҳорда бувижоним ҳовлимизнинг бир четига ўсма экади. У кишининг айтишича, кўпгина Шарқ мамлакатлари аёллари ўсмадан қош ва киприклар учун табиий бўёқ сифатида фойдаланиб келишган.Ўсманинг шарбати шу даражада фойдали эканки, ҳатто, энг кучли соч тўкилишини ҳам даволар экан.

Бундан ташқари, унинг энг асосий вазифаси қош ва киприклар тўкилишининг олдини олади. Илдизларини бақувват қилиб, қалинлаштиради. Соч парваришида эса асосан, ўсма ёғидан фойдаланилади. Ўсма ёғи бўяш хусусиятига эга бўлмай, йўқотилган сочларни тиклаб, ўсиш жараёнини тезлаштиради.

Аввал ўсма барглари бироз сўлитилиб, кейин суви сиқиб олинади. Қош ва кўзларга суртилади. Кўзга қўйилишининг яна бир сабаби, кўздаги турли инфекцияларни ўлдириб, уни равшанлаштиради.

Маслаҳат!

Соч тўкилишига қарши ўсмали ниқоб: 1/2 стакан ёғсиз сутга 1-2 ошқошиқ ўсма шарбати қўшиб, аралаштирилади. Сочга сурилиб, елим халта билан ўралади ва 30 дақиқага қолдирилади. Сўнг илиқ сувда ювилади.