Пайшанба
18-Декабр 2025
Бугунги кунда фуқаролар жойларда бўлаётган турли қонун бузилиш ҳолатлари юзасидан ўринли равишда шикоятлар билан мурожаат қилишмоқда. Уларни ўрганиб чиққанимизда фуқаролар талаби асоссиз эмаслиги маълум бўлди.
Хусусан, Тошкент шаҳрида яшовчи фуқаро Ш.Атабаева бола парваришлаш таътилидан ишга қайтган. Лекин ходимга Тошкент шаҳар «Тошиссиққуввати» ДУК томонидан иш ўрни қисқартиришга тушгани тўғрисида огоҳлантириш берилган. Фуқаронинг бу ҳолатдан норози бўлиб қилган ёзма мурожаати Шайхонтоҳур туман адлия бўлими томонидан кўриб чиқилди.
Мурожаат ўрганилгач, «Тошиссиққуввати» ДУКга фуқаро бола парваришлаш таътилига чиққанда иш жойи сақланиб қолиниши ва фуқаро Ш.Атабаевани ишга чиқишга ҳуқуқи борлиги ҳамда «Тошиссиққуввати» ДУК Ш.Атабаевани олдинги иш жойига тикланиши лозимлиги тўғрисида хат киритилди. Натижада, фуқаро Ш.Атабаева бугунги кунда бола парваришлаш таътилидан олдинги иш жойига қайта тикланиб, мурожаат тўлиқ қаноатлантирилди.
Фуқаролар мурожаатлари орасида юқорида номи тилга олинган ташкилот билан боғлиқ яна бир ҳолат кўриб чиқилди. Унга кўра, фуқаро И.Алимуҳамедованинг «Тошиссиққуввати» ДУК томонидан август ойида ишлаган даври учун ойлик маоши берилмаган. Мурожаат ўрганилгач, «Тошиссиққуввати» ДУКга фуқаро И.Алимуҳамедованинг ишлаган даври учун ойлик маоши тўлаб берилиши лозимлиги юзасидан хат киритилди. Натижада, фуқаро И.Алимуҳамедованинг август учун ойлик маоши «Тошиссиққуввати» ДУК томонидан тўлаб берилиб, мурожаат тўлиқ қаноатлантирилди.
Шунингдек, фуқаро М.Лутфуллаеванинг Шайхонтоҳур тумани газ таъминоти корхонаси томонидан асоссиз равишда 1.223.012 сўм пеня ҳисобланганидан норози бўлиб қилган ёзма мурожаати кўриб чиқилди. Туман газ таъминоти корхонасига фуқаро М.Лутфуллаевага нисбатан асоссиз равишда ҳисобланган пеняни олиб ташлаш ҳамда келгусида иш фаолиятида бундай ҳолатларга йўл қўйилмаслиги учун чора-тадбирлар кўриши лозимлиги юзасидан хат киритилгач, мазкур фуқарога асоссиз равишда ҳисобланган 1.223.012 сўм пеня олиб ташланди.
Жойларда баъзан учраётган бу каби турли ҳолатларда биринчи навбатда фуқароларимиз ҳам ўз ҳуқуқлари учун ҳаракат қилиб, вақтида тегишли органга мурожаат қилишса, инсон манфаатлари ҳимоясига ўзлари ҳам муносиб ҳисса қўшган бўлар эди.
Ф.АКБАРОВ,
Шайхонтоҳур туман адлия бўлими бошлиғи
Олий Мажлис Қонунчилик палатаси депутатларининг жойларда аҳоли билан мулоқот қилиши, муаммоларини ўрганиши ва тизимли ҳал этиш йўлидаги саъй-ҳаракатлари ижтимоий-иқтисодий дастурлар ижроси юзасидан жамоатчилик назоратини ўрнатиш ҳамда халқ манфаати ва фаровонлигини янада оширишга хизмат қилади.
Батафсил
Президент ҳузурида экологик барқарорлик ва қиш мавсумига тайёргарлик масалалари муҳокама қилинди
Батафсил
Ўзбекистон Президенти Шавкат Мирзиёевнинг ташаббуси билан 2023 йил апрелда умумхалқ референдуми асосида Янги Ўзбекистоннинг янгиланган Конституцияси қабул қилинган эди.
Батафсил
Олий Мажлис Қонунчилик палатаси депутатларининг жойларда аҳоли билан мулоқот қилиши, муаммоларини ўрганиши ва тизимли ҳал этиш йўлидаги саъй-ҳаракатлари ижтимоий-иқтисодий дастурлар ижроси юзасидан жамоатчилик назоратини ўрнатиш ҳамда халқ манфаати ва фаровонлигини янада оширишга хизмат қилади.
Президент ҳузурида экологик барқарорлик ва қиш мавсумига тайёргарлик масалалари муҳокама қилинди
Ўзбекистон Президенти Шавкат Мирзиёевнинг ташаббуси билан 2023 йил апрелда умумхалқ референдуми асосида Янги Ўзбекистоннинг янгиланган Конституцияси қабул қилинган эди.
Айни кунларда жамоатчиликнинг пойтахтдаги ҳаво сифати, унинг одамлар саломатлиги ва ҳаётига таъсири бўйича хавотирлари ортиб, муҳокамаларга сабаб бўляпти. Куни кеча Ўзбекистон Экология ва иқлим ўзгариши миллий қўмитаси Тошкент шаҳрида ҳаво ифлосланишининг сабаблари ва таркиби, шунингдек, вазиятни яхшилаш режалари тўғрисидаги маълумотларни тақдим этди.
Кеча Олий Мажлис Қонунчилик палатасининг навбатдаги мажлиси бўлиб ўтди. Анъанага кўра, аввало фракцияларда муҳокама қилинган қонун лойиҳалари мажлисда яна бир бор атрофлича кўриб чиқилди, зарур нормалар мустаҳкамланди.
