Пайшанба
23-Июл 2026
Туризм мамлакат иқтисодиётининг муҳим бўғини ҳисобланади. Айниқса, ички туризм ва экотуризм бугун кўплаб мамлакатларда асосий даромад манбаларидан бирига айланиб улгурган.
Ўзбекистон ҳам ўзининг бой тарихий мероси ва гўзал табиатига, туристик-рекреацион салоҳиятга бой, улкан экотуристик имкониятларга эга. Шу боис бугун экотуризмни ривожлантиришга алоҳида эътибор қаратилмоқда. Иқтисодий тараққиёт ва камбағалликни қисқартириш вазирлиги томонидан ўтказилган илмий-амалий семинар ҳам Ўзбекистоннинг туристик-рекреацион салоҳияти ва экотуризмни ривожлантириш имкониятларига бағишланди.
Семинарда Ўзбекистон Экотуризм жамияти раиси, ЎзМУ «Табиий география» кафедраси доценти Нигора Шамуратова, Тошкент вилояти Чирчиқ давлат педагогика институти катта ўқитувчиси, география фанлари бўйича фалсафа доктори Шаҳноза Шомуродова ҳамда туризм йўналишида илмий изланиш олиб бораётган ёш тадқиқотчилардан Aдҳамжон Мамадиёров ўз маърузалари билан иштирок этишди.
– Кўпгина мутахассис ва тадқиқотчиларнинг илмий тажриба ва хулосалари шуни кўрсатмоқдаки, экотуризм туризмнинг янги ва ёш йўналиши бўлишига қарамасдан, оммалашуви бошқа туристик йўналишларга нисбатан 2-3 баробар жадал кечмоқда, – дейди Нигора Шамуратова. – Бугунги кунда экотуризмнинг ривожланиш йўналишлари ва истиқболлари табиат қонуниятлари ва геотизимлар барқарорлиги билан боғлиқ ҳолда шаклланмоқда.
Дарҳақиқат, сўнгги йилларда мамлакатимизда туризмнинг ушбу йўналишида ҳам жадал ишлар амалга оширилмоқда. Буни Тошкент вилоятида «Чорвоқ», Жиззах вилоятида «Зомин» туристик-рекреацион зоналари ташкил этилгани ва у ердаги шарт-шароитнинг кун сайин яхшиланиб, сайёҳлар ҳамда маҳаллий аҳоли вакилларини ўзига жалб қилаётганидан ҳам кўриш мумкин. Бироқ бу соҳа барқарор ривожланаётганини англатмайди, муаммолар ҳам йўқ эмас.
Семинарда экотуризмни янада ривожлантириш, хусусан, «Чорвоқ», «Зомин» туристик-рекреацион зоналарини янада яхшилаш ва бу орқали аҳоли бандлигини таъминлашнинг муҳим йўналишлари муҳокама этилди.
Шаҳзод ИБРAГИМОВ,
Иқтисодий тараққиёт ва камбағалликни қисқартириш вазирлиги ходими
Президентимизнинг Тошкент вилояти Бекобод шаҳрига амалга оширган ташрифи стратегик аҳамиятга эга воқелик сифатида муҳрланди. Ушбу ташриф чоғида нафақат ҳудуддаги ижтимоий-иқтисодий ислоҳотларнинг бориши кўздан кечирилди, балки транспорт инфратузилмаси, саноат салоҳиятини янада юксалтиришга хизмат қиладиган икки муҳим лойиҳага старт берилди.
Батафсил
Абдушукур ҲАМЗАЕВ:
Олий Мажлис Қонунчилик палатасидаги Ўзбекистон Экологик партияси фракцияси раҳбари, партия Марказий Кенгаши раиси Абдушукур Ҳамзаев яқинда дарахтлар, яшил майдонларнинг аҳамияти хусусида муносабат билдирар экан, бир жиҳатга алоҳида тўхталиб ўтди. Иқлим ўзгариши оқибатида дунёнинг кўп қисмида аномал жазирама авж олаётган паллада бу жуда долзарб ҳисобланади:
Батафсил
Шу кунларда футбол бўйича Жаҳон чемпионатида Ватанимиз шарафини ҳимоя қилаётган миллий терма жамоамиз футболчиларининг биргина ҳаракати бизни чин дилдан тўлқинлантириб юборди.
Батафсил
Президентимизнинг Тошкент вилояти Бекобод шаҳрига амалга оширган ташрифи стратегик аҳамиятга эга воқелик сифатида муҳрланди. Ушбу ташриф чоғида нафақат ҳудуддаги ижтимоий-иқтисодий ислоҳотларнинг бориши кўздан кечирилди, балки транспорт инфратузилмаси, саноат салоҳиятини янада юксалтиришга хизмат қиладиган икки муҳим лойиҳага старт берилди.
Абдушукур ҲАМЗАЕВ:
Олий Мажлис Қонунчилик палатасидаги Ўзбекистон Экологик партияси фракцияси раҳбари, партия Марказий Кенгаши раиси Абдушукур Ҳамзаев яқинда дарахтлар, яшил майдонларнинг аҳамияти хусусида муносабат билдирар экан, бир жиҳатга алоҳида тўхталиб ўтди. Иқлим ўзгариши оқибатида дунёнинг кўп қисмида аномал жазирама авж олаётган паллада бу жуда долзарб ҳисобланади:
Шу кунларда футбол бўйича Жаҳон чемпионатида Ватанимиз шарафини ҳимоя қилаётган миллий терма жамоамиз футболчиларининг биргина ҳаракати бизни чин дилдан тўлқинлантириб юборди.
Фарғона водийси нафақат ҳосилдор тупроғи, балки табиатсевар инсонлари билан ҳам қадрлидир. Бу юртда дарахтни оддий ўсимлик эмас, балки ҳаётнинг нафаси, авлодлар хотираси деб билувчи одамлар кўп.
Вазирлар Маҳкамасининг «Ўзбекистон Республикасида гидрометеорология хизмати инфратузилмасини ривожлантириш ва мониторинг қилиш тизимини такомиллаштириш, шунингдек, фуқаро авиацияси ҳаво кемалари парвозларининг хавфсизлигини метеорологик таъминлашга доир қўшимча чора-тадбирлар тўғрисида»ги қарори қабул қилинди.
