Шанба
06-Июн 2026
Табиатни асраш, унинг ҳуснига ҳусн қўшиш, атрофни яшилликка буркаш йўлида ҳар қачонгидан-да самарали ишлар қилинмоқда. Буни ўтган ойлар давомида экилган ниҳоллар, суғорилаётган дарахтлар, обод қилинаётган кўчалар ҳамда унга ўзгача гўзаллик бахш этаётган ранг-баранг гуллар мисолида ҳам кўриш мумкин.
Ҳа, халқимиз азалдан ана шундай табиатга ошнодир. Юртимиз бўйлаб қай манзилга борманг анвойи гуллар дилингизни яйратади, қай хонадонга кирманг райҳон иси димоғингизга уради. Атиргулларнинг ифори ҳақида айтмаса ҳам бўлади.
Қувонарлиси, ана шундай атроф оламни турли гуллар билан янада бойитишга бўлган ҳаракатлар кун сайин ортмоқда. Айниқса бу жараён ўзгача лойиҳалар, янгича ёндашувлар асосида ташкил қилиниб, табиат билан инсоннинг нақадар уйғунлиги акс этмоқда.
Ўзбекистон Экологик партияси Навоий шаҳар партия ташкилоти раиси ҳамда Навоий вилоят Эконигоҳ ёшлар тарғибот маркази раҳбари ҳамкорлигида ташкил қилинган креатив экологик тарғибот ана шу уйғунликнинг ёрқин намунасидир. Қандай дейсизми?
Бу экологик лойиҳа ўзига хос бўлиб, унда кесилган дарахтлар остида қолган кундалар асосий объектга айланган.
Гап шундаки, бирор сабаб билан кесилган дарахтлардан қолган кундалар кўп ҳолларда ерда қолиб кетади. Дарахт илдизи катта бўлгани ва уни ковлаб олиш машаққати сабабли кўпинча кундалар шунчаки ернинг ҳуснини бузувчи бир доғдек кўринади. Унга кераксиз матоҳдек қарашади. Ушбу лойиҳада эса ана шу кундалардан табиий гултувак сифатида фойдаланилди. Кўча гуллари табиий гултуваклар ичига экилиб, кундали гултувакка айлантирилди.
Албатта, бундай ноодатий лойиҳа кўчалардаги аҳолини ўзига жалб этмасдан қолмади. Аҳоли жараённи катта қизиқиш билан томоша қилар экан, бундай ғаройиб декорациядан ҳовли ва кўчаларда фойдаланиш мумкинлигига гувоҳ бўлишди. Экологик лойиҳа натижасида бир зумда қуриб турган ёғоч кундалари гултувакка айланди. Кўзни қувонтирадиган ландшафт яратилди. Гуллар эса табиий ўғит бўладиган тувакларда яйраб-яшнаб ўсишига шубҳа йўқ. Боиси бу табиий тувак ўзидан ҳавони ўтказади ва гуллар илдизи керакли озуқага эга бўлади, намлик эса яхши сақланади. Энг муҳими энди кундалар кераксиз ва хунук кўриниш ўрнига янгича декорацияга айланади.
ЎЭП Навоий вилоят партия ташкилоти
Тасаввур қилинг: тонг отмоқда, қуёш нурлари юртимизнинг бепоён кенгликларини ёритмоқда. Сиз фарзандингиз билан маҳалла четидаги ариқ бўйига сайрга чиқдингиз. Лекин кўзингиз тиниқ сувга эмас, балки ариқ ичига ташланган турли чиқиндилар, қурилиш материаллари бўлаклари, шамолда учаётган полиэтилен пакетларга тушади.
Батафсил
Бугунги кунда Ўзбекистон боғдорчилигида «функционал озиқ-овқат» яратиш даври бошланди. Энди боғбонларимиз меванинг йириклиги билан бир қаторда унинг таркибидаги инсон саломатлиги учун фойдали моддалар миқдорини ошириш устида ҳам изланиш олиб бормоқдалар.
Батафсил
Бугун ҳудудларда экологик барқарорликни таъминлаш, аҳолининг яшаш шароитларини яхшилаш ҳамда санитария ва ободонлаштириш ишларини тизимли ташкил этиш давлат сиёсатининг муҳим йўналишларидан бири бўлиб қолмоқда.
Батафсил
Тасаввур қилинг: тонг отмоқда, қуёш нурлари юртимизнинг бепоён кенгликларини ёритмоқда. Сиз фарзандингиз билан маҳалла четидаги ариқ бўйига сайрга чиқдингиз. Лекин кўзингиз тиниқ сувга эмас, балки ариқ ичига ташланган турли чиқиндилар, қурилиш материаллари бўлаклари, шамолда учаётган полиэтилен пакетларга тушади.
Бугунги кунда Ўзбекистон боғдорчилигида «функционал озиқ-овқат» яратиш даври бошланди. Энди боғбонларимиз меванинг йириклиги билан бир қаторда унинг таркибидаги инсон саломатлиги учун фойдали моддалар миқдорини ошириш устида ҳам изланиш олиб бормоқдалар.
Бугун ҳудудларда экологик барқарорликни таъминлаш, аҳолининг яшаш шароитларини яхшилаш ҳамда санитария ва ободонлаштириш ишларини тизимли ташкил этиш давлат сиёсатининг муҳим йўналишларидан бири бўлиб қолмоқда.
Мушукнинг ёнингизда ётиб, майин ва бир маромда «хурр-хурр» овоз чиқариши кўпчиликка ёқимли туюлади. Бу ҳолат кўпинча унинг xурсанд ва хотиржам эканидан дарак беради, деб ўйлаймиз. Аммо аслида мушукларнинг хуриллаши оддийгина ҳиссиёт ифодаси эмас, балки мураккаб табиий жараён ҳисобланади.
Яқинда Янгиобод эски бозоридан кичкинагина қутича сотиб олдим. Кўринишидан совғалар учун тайёрланган, сомон ёки бошқа табиий материалдан тўқилган. Иш столимга олиб келиб қўйгандим, бир ҳамкасбимиз кўриб, канопдан тайёрланганини айтиб қолди. Ҳаммаси шундан бошланди. Каноп ўсимлиги, ундан фойдаланиш мавзуси хаёлимдан кетмади.
