Душанба
20-Апрел 2026
Ўзбекистон Республикаси Олий Мажлиси Қонунчилик палатасидаги Ўзбекистон Экологик партияси фракциясининг юртдошларимизга МУРОЖААТИ Қадрли юртдошлар, азиз сайловчилар!
Бугун мамлакатимизда экология ва атроф муҳитни муҳофаза қилишда «Инсон қадри учун» тамойилига асосланган демократик ислоҳотлар босқичма-босқич амалга оширилмоқда, ижтимоий ва экологик муаммоларни ҳал қилиш учун зарур чора-тадбирлар кўрилмоқда. Мамлакатимизда аҳоли пунктларини кўкаламзорлаштириш, дарахт ва буталарни муҳофаза қилиш ҳамда «яшил майдонлар»ни кенгайтириш ишларига давлат сиёсати даражасида эътибор қаратилмоқда.
Ҳаммамизга яхши маълумки, ўтган йили давлатимиз раҳбари томонидан «Яшил макон» умуммиллий лойиҳасини амалга ошириш ташаббуси илгари сурилди. Мазкур лойиҳа доирасида ҳар йили 200 миллион туп, келгуси беш йилда 1 миллиард туп дарахт ва бута кўчатлари экиш мақсад қилинган.
Ушбу эзгу лойиҳа мамлакатимизда она табиатнинг ажралмас қисми бўлган яшил ҳудудларни кенгайтириш, аҳоли саломатлигини мустаҳкамлаш, экологик барқарорликни таъминлаш билан бирга, глобал иқлим ўзгаришларининг олдини олишга хизмат қилиши билан аҳамиятлидир.
2021 йил куз фаслидан бошланган мазкур лойиҳа бутун мамлакат бўйлаб умуммиллий ҳаракатга айланди.
Жорий йил баҳор ойида ўтказилган лойиҳада ҳам ёшу кекса, ҳар бир фуқаро ўз хоҳиш ва иродаси билан лойиҳада фаол иштирок этди ҳамда долзарб 40 кунликда 125 миллион тупдан ортиқ дарахт, бута кўчатлари экилди.
Лекин, ўтган мавсумда айрим ҳудудларда кўчатларнинг турли жойларга тартибсиз экилиши, кўчат экиш жараёнида тупроқ-иқлим шароити ва суғориш тизимига етарли даражада эътибор қаратилмаганлиги, шунингдек экилган кўчатларни сақлаш ва парваришлаш бўйича камчиликларга йўл қўйилган. Мазкур камчиликларни такрорламаслик ва бу борада жамоатчилик назоратини олиб бориш чораларини кўриш тадбирни самарали ўтказиш имкониятларини яратади.
«Яшил макон» умуммиллий лойиҳаси дарахт экишни ўзига мақсад қилган, меҳнаткаш бободеҳқонларимиз, шижоатли юртдошларимизнинг кучига куч, ғайратига ғайрат қўшди. Жорий йилнинг 20 октябрь кунидан бошланадиган «Яшил йиллик» дастури доирасида 75 миллион туп дарахт ва бута кўчатларини экиш режалаштирилган. Давлатимиз раҳбари таъкидлаганидек, дарахт ҳавас билан экилиши, халқимиз, маҳаллаларимизнинг маданиятига айланиши лозим.
Азиз юртдошлар, ҳурматли фуқаролар!
Она табиатга эътиборли яшаш фақат бугунни эмас, яқин ва узоқ келажакни ўйлаб иш тутиш демакдир. Зеро, лойиҳа халқимиз орасида ўзаро меҳр-оқибат, ҳамжиҳатликни янада кучайтириш, юртимизни обод ва кўркам бўлишига замин яратади.
Шундай экан, шу юрт менинг Ватаним деб, юракдан ҳис этган ҳолда, Янги Ўзбекистон ҳудудини боғу-бўстонга айлантиришга йўналтирилган «Яшил макон» умуммиллий лойиҳаси доирасида манзарали ва мевали кўчатлар экиш тадбирларида фаол иштирок этайлик!
Жорий йилнинг биринчи чораги Ўзбекистон Экологик партияси фракцияси учун муҳим давр бўлиб, мамлакатнинг «яшил» иқтисодиётга ўтиш жараёнларини тезлаштириш фракция фаолиятида, депутатларнинг аҳоли билан мулоқотида энг устувор масалага айланди.
Батафсил
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Батафсил
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Батафсил
Жорий йилнинг биринчи чораги Ўзбекистон Экологик партияси фракцияси учун муҳим давр бўлиб, мамлакатнинг «яшил» иқтисодиётга ўтиш жараёнларини тезлаштириш фракция фаолиятида, депутатларнинг аҳоли билан мулоқотида энг устувор масалага айланди.
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Олий Мажлис Қонунчилик палатасининг навбатдаги мажлисида ҳуқуқбузарликларнинг олдини олиш ва уларга қарши курашиш самарадорлигини кенгайтириш, суд ҳокимияти органлари фаолиятини молиялаштириш, аҳолининг молиявий хатарлар ҳақида хабардорлигини ошириш, саноат хавфсизлиги тизимини мустаҳкамлаш ҳамда креатив иқтисодиётни ривожлантиришга доир қатор қонун лойиҳалари атрофлича кўриб чиқилди.
