Душанба
20-Апрел 2026
Озиқ-овқат хавфсизлиги бутун дунё мамлакатлари олдида турган долзарб вазифалардан биридир. БМТ томонидан ҳам бугун озиқ-овқат маҳсулотларини етиштириш ва уларни тақсимлаш бўйича ёндашувни мутлақо ўзгартириш вақти келгани бот-бот таъкидлаяпти.
Зеро, идеал ҳолатда қишлоқ, ўрмон ва балиқчилик хўжаликлари барчани озиқ-овқат билан тўлиқ таъминлаш ва одамлар учун рисоладагидек даромад манбаини яратиб беришга қодир. Боз устига, бундай ҳолатда инсон манфаатлари йўлида ҳам қишлоқ хўжалиги ривожланади, ҳам атроф муҳитни муҳофаза қилиш бўйича чора-тадбирлар ижроси таъминланади.
Жорий йилнинг 7-8 сентябрь кунлари Самарқанд шаҳрида озиқ-овқат хавфсизлигига бағишлаб ўтказилган халқаро конференция ҳам озиқ-овқат хавфсизлиги масаласининг нақадар долзарб аҳамиятга эга эканини кўрсатди.
Давлатимиз раҳбарининг мазкур анжуман иштирокчиларига йўллаган мурожаатида сўнгги ўн йилларда «яшил инқилоб» ва инновацион технологияларнинг кенг жорий этилиши туфайли қишлоқ хўжалиги маҳсулотлари ишлаб чиқариш ҳажми кескин ошгани, тобора кўпайиб бораётган дунё аҳолисини озиқ-овқат билан таъминлашда сезиларли ютуқларга эришилгани қайд этилди.
Шунингдек, глобал иқлим ўзгаришлари, қишлоқ хўжалиги ва озиқ-овқат тизимига инвестиция ҳажми камайиши вазиятни янада оғирлаштираётгани, бу эса Барқарор ривожланиш мақсадларига эришишни хавф остида қолдираётгани таъкидлаб ўтилди. Ўз навбатида, халқаро молия институтларини ушбу масалага алоҳида эътибор қаратиб, қишлоқ хўжалиги ишлаб чиқарувчиларининг «яшил технологиялар»дан фойдаланиш имкониятларини кенгайтириш бўйича аниқ амалий чора-тадбирларни ишлаб чиқишга ундовчи чақириқ бўлди давлатимиз раҳбарининг мурожаати.
Жаҳон соғлиқни сақлаш ташкилоти маълумотларига кўра, инсон саломатлигини белгиловчи омилларнинг 50 фоизи унинг овқатланиши ва ҳаёт тарзига боғлиқ. Айниқса, келажак авлод тарбияланаётган мактаб ошхоналарида фарзандларимизнинг тўғри овқатланишига эътибор бериш ҳар биримизнинг вазифамиздир.
Шу муносабат билан мамлакатимизда Президентимизнинг «Қишлоқ хўжалиги маҳсулотларини чуқур қайта ишлаш ва озиқ-овқат саноатини янада ривожлантириш бўйича қўшимча чора-тадбирлар тўғрисида»ги ҳамда «Аҳолининг соғлом овқатланишини таъминлаш бўйича қўшимча чора-тадбирлар тўғрисида»ги қарорлари қабул қилинди.
Унга кўра, 2019 йилда 200 тага яқин, 2020 йилда 350 тага, 2021 йилда 350 тага яқин халқаро ISO ва CODEX ALIMENTARIUS стандартлари қабул қилинди.
Халқаро анжуманда глобал озиқ-овқат хавфсизлиги тўғрисида декларация қабул қилиниши айни долзарб масала бўйича мамлакатимизнинг қатъий позициясини намоён этади. Айтиш жоиз, ушбу ҳужжат халқаро ҳамкорликнинг асосий йўналишларини белгилаб беради. Шу билан бирга, халқаро конференция якунлари юзасидан эришилган келишувларни мустаҳкамлайди.
Муқаддас ТИРКАШЕВА,
Олий Мажлис Қонунчилик палатаси
депутати, Ўзбекистон Экологик партияси фракцияси аъзоси
Жорий йилнинг биринчи чораги Ўзбекистон Экологик партияси фракцияси учун муҳим давр бўлиб, мамлакатнинг «яшил» иқтисодиётга ўтиш жараёнларини тезлаштириш фракция фаолиятида, депутатларнинг аҳоли билан мулоқотида энг устувор масалага айланди.
Батафсил
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Батафсил
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Батафсил
Жорий йилнинг биринчи чораги Ўзбекистон Экологик партияси фракцияси учун муҳим давр бўлиб, мамлакатнинг «яшил» иқтисодиётга ўтиш жараёнларини тезлаштириш фракция фаолиятида, депутатларнинг аҳоли билан мулоқотида энг устувор масалага айланди.
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Олий Мажлис Қонунчилик палатасининг навбатдаги мажлисида ҳуқуқбузарликларнинг олдини олиш ва уларга қарши курашиш самарадорлигини кенгайтириш, суд ҳокимияти органлари фаолиятини молиялаштириш, аҳолининг молиявий хатарлар ҳақида хабардорлигини ошириш, саноат хавфсизлиги тизимини мустаҳкамлаш ҳамда креатив иқтисодиётни ривожлантиришга доир қатор қонун лойиҳалари атрофлича кўриб чиқилди.
