Хабар қилганимиздек, Ўзбекистон Экологик партияси Марказий Кенгаши раиси, профессор Абдушукур Хамзаев Жанубий Кореяда бўлиб ўтаётган  “Осиёда ўрмонларни сақлаш ва экотизимни тиклаш: Трансчегаравий ҳудудларда экотизимни сақлаш ва ўрмонларни илмий асосланган ҳолда тиклаш” мавзусидаги халқаро Симпозиумда иштирок этмоқда.  

Бугун А.Хамзаев Жанубий Корея ўрмон фанлари академияси президенти, профессор Су Ёунг, Гангвондо шаҳар мери жаноб Жин Тае КИМ,  Округ губернатори Меонг Жун ҳамда Осиё ўрмонлари халқаро ҳамкорлиги (АФОCО) ташкилоти директори Чонг Хо ПАРК каби Жанубий Кореянинг нуфузли шахслари билан учрашди. 

Учрашувда экология ва атроф-муҳитни барқарорлаштириш, ўрмонлаштиришни жадаллаштириш каби маслаларда фикр алмашилди. Жанубий Кореялик ҳамкорлар Ўзбекистондаги ҳозирги катта ислоҳотлардан хабардор эканлиги ва бундан кейин ҳам мазкур йўналишларда биргаликда амалий ишлар даражасини ошириш лозимилиги ҳақида ўз фикрларини билдирди.