Газетамизнинг ўтган сонида Ўзбекистон Экологик партияси Марказий Кенгашидан тузилган ишчи гуруҳи вакиллари томонидан «Яшил макон» лойиҳаси доирасида экилган дарахтларнинг ҳолати бўйича Фарғона вилоятида мониторинг ишлари олиб борилгани ҳақида хабар берган эдик.

Унга кўра, Тошлоқ, Қува туманларида яшил макон лойиҳаси доирасида экилган айрим дарахтларнинг қуриб қолгани танқид қилинган эди.

Ушбу ҳолат юзасидан Экопартия Фарғона вилоят кенгашидан ишчи гуруҳи тузилиб, дарахтларнинг бугунги ҳолати ўрганилди. Ўрганишлар натижаси қувонарли, дарахтларнинг аҳволи яхшилангани аниқланди.

Масъуллар томонидан дарахтларнинг қуришига сабаб бўлувчи суғориш тизими мустаҳкамланиб, ер ости йўлидан сув олиб келиниб, дарахтларни мунтазам суғориш ишлари йўлга қўйилган.

Айни вақтда камчилик аниқланган барча ҳудудлар  Экопартия Фарғона вилоят Кенгаши томонидан назоратга олинган бўлиб, дарахтлар ҳолатини яхшилаш учун керакли чора-тадбирлар кўрилмоқда.