Душанба
20-Апрел 2026
Экология ва атроф-муҳитни муҳофаза қилиш борасида мамлакатимизда кенг кўламли ишлар амалга ошириб келинмоқда. Соҳага оид қонунчилик янада такомиллаштирилмоқда.
Олий Мажлис Қонунчилик палатасининг мажлисида «Экологик экспертиза ва атроф-муҳитга таъсирни баҳолаш тўғрисида»ги қонун лойиҳаси биринчи ўқишда муҳокама қилинди. Ушбу масала бўйича экология, атроф-муҳитни муҳофаза қилиш ва иқлим ўзгариши вазири А.Абдуҳакимов маъруза қилди, дея хабар берди ЎзА.
– Мазкур қонун лойиҳаси билан экологик экспертиза фаолиятида қўлланиладиган янги йўналиш – экологик нормативлар лойиҳаларини давлат экологик экспертизасидан, стратегик режалаштириш лойиҳаларини стратегик экологик баҳолашдан ўтказиш масалалари аниқ белгиланмоқда. Шу билан бирга, давлат экологик экспертизасини ўтказиш тартиби, давлат экологик экспертиза объектлари бўйича тегишли ҳужжатлар лойиҳаларини давлат экологик экспертизаси учун тақдим этиш, давлат ва жамоат экологик экспертизасини ўтказишда томонларнинг ҳуқуқ ва мажбуриятлари, шунингдек, жамоатчилик экологик экспертизасини ҳамда жамоатчилик эшитувини ўтказиш тартибини белгилаш бўйича алоҳида нормаларни киритиш таклиф этилмоқда. Давлат объектларини экологик экспертизадан ўтказишда Экспертлар кенгаши тузилади. Экспертиза муддатлари белгиланмоқда, – деди экология вазири.
Қонун лойиҳасининг қабул қилиниши натижасида қонунчилик ҳужжатлари ўртасидаги тафовутлар бартараф этилиб, экологик экспертиза хулосасини бериш тартиб-таомилларини самарали ва тўғридан-тўғри тартибга солувчи нормалар амалиётга киритилади. Энг муҳими, халқаро талабларни жорий этиш ҳисобига хорижий инвестор ва тадбиркорлар учун ишончли ва тушунарли экологик баҳолаш тизими таъминланади.
Мажлисда қонун лойиҳаси бўйича депутатларнинг саволларига жавоблар қайтарилди ва лойиҳа биринчи ўқишда қабул қилинди.
Жорий йилнинг биринчи чораги Ўзбекистон Экологик партияси фракцияси учун муҳим давр бўлиб, мамлакатнинг «яшил» иқтисодиётга ўтиш жараёнларини тезлаштириш фракция фаолиятида, депутатларнинг аҳоли билан мулоқотида энг устувор масалага айланди.
Батафсил
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Батафсил
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Батафсил
Жорий йилнинг биринчи чораги Ўзбекистон Экологик партияси фракцияси учун муҳим давр бўлиб, мамлакатнинг «яшил» иқтисодиётга ўтиш жараёнларини тезлаштириш фракция фаолиятида, депутатларнинг аҳоли билан мулоқотида энг устувор масалага айланди.
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Олий Мажлис Қонунчилик палатасининг навбатдаги мажлисида ҳуқуқбузарликларнинг олдини олиш ва уларга қарши курашиш самарадорлигини кенгайтириш, суд ҳокимияти органлари фаолиятини молиялаштириш, аҳолининг молиявий хатарлар ҳақида хабардорлигини ошириш, саноат хавфсизлиги тизимини мустаҳкамлаш ҳамда креатив иқтисодиётни ривожлантиришга доир қатор қонун лойиҳалари атрофлича кўриб чиқилди.
