Шанба
06-Июн 2026
Ўзбекистон Экологик партияси фракциясининг йиғилишида «Темир йўл транспорти тўғрисида»ги Ўзбекистон Республикаси қонуни лойиҳаси муҳокамалар марказида бўлди.
Ушбу қонун лойиҳаси билан соғлом рақобат муҳитини яратиш, соҳага хусусий секторни кенг жалб қилиш, темир йўл транспортини монополиядан чиқариш мақсадида лойиҳадаги айрим нормалар ташувчи ва вагонлар (контейнерлар) оператори тушунчалари билан тўлдирилиб, уларнинг ҳуқуқ ва мажбуриятлари белгилаб берилмоқда.
Шунингдек, ижтимоий ҳимояга муҳтож фуқароларни қўллаб-қувватлаш, уларнинг йўловчи поездларда юриш имкониятини яратиш мақсадида темир йўл транспортида йўловчиларнинг имтиёзли юриши, ҳуқуқ ва мажбуриятлари белгиланмоқда. Бунда ногиронлиги бўлган шахслар чипталарни имтиёз билан онлайн харид қилишлари мумкин бўлади.
Мазкур қонун лойиҳасининг қабул қилиниши темир йўл транспортини тартибга солиш ва бошқариш тузилмасини такомиллаштиришга, давлат ва фуқароларнинг темир йўл транспортида йўловчи ва юкларни хавфсиз ташишга бўлган эҳтиёжларини қаноатлантиришга, хорижий инвестицияларни кенг жалб этиш, темир йўл транспорти ва халқаро ташувлар соҳасида халқаро ҳамкорликни такомиллаштириш хизмат қилади. Қизғин баҳс-мунозаралардан сўнг қонун лойиҳаси депутатлар томонидан қўллаб-қувватланди.
Шунингдек, депутатлар «Ўзбекистон – 2030» стратегиясини «Ёшлар ва бизнесни қўллаб-қувватлаш йили»да амалга оширишга оид давлат дастурининг жорий йил биринчи ярим йиллигида бажарилиши юзасидан Вазирлар Маҳкамаси ҳисоботини кўриб чиқишди.
Таъкидланганидек, ҳисобот даврида барча соҳалар каби сув ресурсларини муҳофаза қилиш ва атроф-муҳит муҳофазаси соҳасида ҳам қатор ишлар амалга оширилган. Масалан, «Ақлли сув» рақамли технологияларни ҳамда салкам 300 минг гектар майдонда сув тежамкор технологиялар жорий этилиши натижасида 1,4 млрд куб метр сув ресурслари тежалишига эришилган.
Бундан ташқари, «Яшил макон» умуммиллий лойиҳаси доирасида 2024 йил баҳорги кўчат экиш мавсумида мамлакат бўйича 138,1 млн туп дарахт ва бута кўчатлари экилган. 220 минг гектар майдонда ўрмонлаштириш ишлари, Орол денгизининг қуриган тубида яшил қопламалар барпо этиш ишлари амалга оширилган.
Депутатлар амалга оширилган ишларни ижобий баҳолаб, Давлат дастурининг 2024 йилнинг биринчи ярим йиллиги бўйича бажарилиши юзасидан Вазирлар Маҳкамасининг ҳисоботини маъқуллашди.
Олий Мажлис Қонунчилик палатасининг навбатдаги мажлисида депутатлар Ўзбекистон Республикаси Давлат бюджетининг ва давлат мақсадли жамғармалари бюджетларининг 2025 йилдаги ижроси тўғрисидаги ҳисоботни кўриб чиқдилар.
Батафсил
Бугун жаҳон молиявий тизими тубдан ўзгармоқда. Инвесторлар эндиликда шунчаки фойда изламаяпти, балки ўз маблағларини ижтимоий масъулиятли, экологик тоза ва келажакка хизмат қиладиган лойиҳаларга йўналтиришга интилмоқда.
Батафсил
Олий Мажлис Қонунчилик палатасининг навбатдаги ялпи йиғилишида халқимиз ҳаёти, мамлакатимиз хавфсизлиги ва ижтимоий-иқтисодий барқарорликни таъминлаш учун муҳим бўлган қонун лойиҳалари ҳамда ҳукумат аъзоларига юборилган парламент сўровларининг жавоблари атрофлича муҳокама қилинди.
Батафсил
Олий Мажлис Қонунчилик палатасининг навбатдаги мажлисида депутатлар Ўзбекистон Республикаси Давлат бюджетининг ва давлат мақсадли жамғармалари бюджетларининг 2025 йилдаги ижроси тўғрисидаги ҳисоботни кўриб чиқдилар.
Бугун жаҳон молиявий тизими тубдан ўзгармоқда. Инвесторлар эндиликда шунчаки фойда изламаяпти, балки ўз маблағларини ижтимоий масъулиятли, экологик тоза ва келажакка хизмат қиладиган лойиҳаларга йўналтиришга интилмоқда.
Олий Мажлис Қонунчилик палатасининг навбатдаги ялпи йиғилишида халқимиз ҳаёти, мамлакатимиз хавфсизлиги ва ижтимоий-иқтисодий барқарорликни таъминлаш учун муҳим бўлган қонун лойиҳалари ҳамда ҳукумат аъзоларига юборилган парламент сўровларининг жавоблари атрофлича муҳокама қилинди.
БМТнинг Нью-Йоркдаги Ўрмонлар бўйича форуми 21-сессияси доирасида Ўзбекистон Республикаси Президентининг экология масалалари бўйича маслаҳатчиси – Экология ва иқлим ўзгариши миллий қўмитаси раиси Азиз Абдуҳакимов халқаро ташкилотлар ҳамда БМТнинг ихтисослашган тузилмалари раҳбарлари билан икки томонлама учрашувлар ўтказди.
Қонунлар қанчалик ҳаётий ва бугунги кун талабларига мос бўлса, жамиятда уларнинг ижроси шунчалик тез ва самарали таъминланади. Олий Мажлис Қонунчилик палатасида бўлиб ўтган навбатдаги ялпи мажлис айнан мана шу жиҳатлари билан эътиборга молик бўлди. Парламент қуйи палатасидаги муҳокамалар одатдагидек қизғин, очиқ ва баҳс-мунозараларга бой кечди.
