Чоршанба
07-Январ 2026
Мамлакатимизнинг экологик барқарорликни таъминлаш ҳамда атроф-муҳитни муҳофаза қилиш борасидаги саъй-ҳакаратларига дунё миқёсида катта ишонч билдирилмоқда.
Эндиликда юртимиздаги экотизимлар жозибадорлигини ошириш жаҳоннинг йирик халқаро ташкилотлари кўмагида амалга оширилади. Бу ҳақда куни кеча пойтахтда ўтказилган «Марказий Осиёда экологик мақсадларга эришиш учун молиялаштириш ва инвестициялар ҳажмини ошириш» мавзусидаги халқаро мулоқотда келишиб олинди.
Германиянинг атроф-муҳит табиатни муҳофаза қилиш, ядровий хавфсизлик ва истеъмолчилар ҳуқуқини ҳимоя қилиш федерал вазирлиги, Европа тикланиш ва тараққиёт банки, Иқтисодий ҳамкорлик ва тараққиёт ташкилоти ҳамда Ўзбекистон Экология, атроф-муҳитни муҳофаза қилиш ва иқлим ўзгариши вазирлиги ҳамкорлигида ташкил этилган юқори даражадаги сиёсий мулоқотда бугунги куннинг энг долзарб экологик масалаларига эътибор қаратилди.
Мулоқот давомида иштирокчилар сув, энергетика ва ер ресурслари хавфсизлигини таъминлаш, шунингдек, биологик хилма-хиллик ва табиатни муҳофаза қилиш каби етарли даражада молиялаштирилмаган экологик ҳудудларнинг молиявий жозибадорлигини ошириш билан боғлиқ бир қатор асосий вазифаларни кўриб чиқдилар. Шунингдек, чучук сув экотизимларини ортиқча сув олишдан ҳимоя қилиш, турли соҳаларда сув самарадорлигини ошириш ва ифлосланишга қарши назоратни яхшилаш учун энг яхши мавжуд технологияларни жорий этиш, табиатга асосланган ечимларни ишлаб чиқиш, жумладан, сув тошқинларини бошқариш ва барқарор қишлоқ хўжалиги каби асосий мавзулар муҳокама қилинди.
Мулоқотда Марказий Осиёда экологик мақсадларга эришиш учун Европа Иттифоқи ва Европа тикланиш ва тараққиёт банки томонидан 10 миллион евро ажратиладиган бўлди.
– Экотизимлар давлатларнинг ҳудудий чегараларини тан олмайди, – дейди Экология, атроф-муҳитни муҳофаза қилиш ва иқлим ўзгариши вазири Азиз АБДУҲАКИМОВ. – Биз Марказий Осиёга ягона экотизим, деб қарашимиз керак. Эътироф этишимиз керакки, экологик муаммоларни фақатгина бирлашиб ечишимиз мумкин. Ажратилган маблағ бешта давлат манфатларидан келиб чиқиб тақсимланади. Тақсимлашда экотизимларни тиклаш нуқтаи назаридан ёндашилади. Албатта, 10 миллион евро билан барча экологик муаммоларга ечим топиш имконсиз. Аммо бу экотизимларни муносиб ҳимоя қилиш борасидаги муҳим қадам бўла олади. Бу Ўзбекистонга, Марказий Осиё минтақасига Европа Иттифоқи ва Европа тикланиш ва тараққиёт банки томонидан билдирилаётган ишонч рамзи десак бўлади.
Муҳокамалар чоғида иштирокчилар стратегик устувор йўналишларни белгилаб олдилар ва турли молия институтлари қандай қилиб самаралироқ ҳамкорлик қилишлари, жумладан, гибрид молиявий воситалардан фойдаланиш, бундай лойиҳаларнинг таваккал ва фойда нисбатини яхшилаш бўйича фикр алмашдилар.
Илҳомжон ТОЖИБОЕВ
Кейинги йилларда мамлакатимиз бўйлаб бунёдкорлик ишлари жадаллик билан олиб борилмоқда. Шаҳар ва туман марказларида тураржой, корхона, ташкилотларнинг осмонўпар бинолари қад ростламоқда. Уларнинг кўпчилиги мавжуд тартиб-қоида ва меъёрий талаблар асосида барпо қилинаётган бўлса, айримларида эса бунинг аксини кўриш мумкин.
Батафсил
Жойларда аҳоли ҳаёти, кундалик муаммолар ва мавжуд имкониятларни чуқур ўрганмасдан туриб, аниқ ечим ва самарали қарор қабул қилиш мушкул. Шу маънода, депутатлар ва партиямиз томонидан ҳудудларда олиб борилаётган ўрганишлар жамият билан очиқ мулоқотни мустаҳкамлаш, аҳоли манфаатларини таъминлашга қаратилган муҳим амалиёт ҳисобланади.
Батафсил
Ҳудудларда халқ билан мулоқот – амалий натижаларга йўл. Аҳоли билан бевосита мулоқот қилиш, уларнинг турмуш тарзи, меҳнат фаолияти ва кундалик муаммоларини жойида ўрганиш давлатимиз сиёсатининг муҳим йўналишларидан бири ҳисобланади.
Батафсил
Кейинги йилларда мамлакатимиз бўйлаб бунёдкорлик ишлари жадаллик билан олиб борилмоқда. Шаҳар ва туман марказларида тураржой, корхона, ташкилотларнинг осмонўпар бинолари қад ростламоқда. Уларнинг кўпчилиги мавжуд тартиб-қоида ва меъёрий талаблар асосида барпо қилинаётган бўлса, айримларида эса бунинг аксини кўриш мумкин.
Жойларда аҳоли ҳаёти, кундалик муаммолар ва мавжуд имкониятларни чуқур ўрганмасдан туриб, аниқ ечим ва самарали қарор қабул қилиш мушкул. Шу маънода, депутатлар ва партиямиз томонидан ҳудудларда олиб борилаётган ўрганишлар жамият билан очиқ мулоқотни мустаҳкамлаш, аҳоли манфаатларини таъминлашга қаратилган муҳим амалиёт ҳисобланади.
Ҳудудларда халқ билан мулоқот – амалий натижаларга йўл. Аҳоли билан бевосита мулоқот қилиш, уларнинг турмуш тарзи, меҳнат фаолияти ва кундалик муаммоларини жойида ўрганиш давлатимиз сиёсатининг муҳим йўналишларидан бири ҳисобланади.
Қорақалпоғистонда саксондан ортиқ миллат ва элатлар дўст-иноқликда яшаб келади. Уларнинг орасида корейслар ҳам кўп. Эътиборли жиҳати шундаки, Ўзбекистон Экологик партияси сафида ҳам турли миллат вакиллари кўпчиликни ташкил қилади.
Мамлакатимиздаги иссиқлик электр станцияларида экологик барқарорликни таъминлаш, атроф-муҳитга салбий таъсирни камайтириш ва ишлаб чиқариш жараёнларини замонавий экологик талабларга мослаштиришга алоҳида эътибор қаратилмоқда.
