Душанба
20-Апрел 2026
Яқинда Олий Мажлис Қонунчилик палатасидаги Ўзбекистон Экологик партияси фракцияси депутатлари Қашқадарё вилоятида олиб борилган ўрганишлар жараёнида жиддий муаммога дуч келишди.
Гап шундаки, 1979 йилда ишга туширилган Қарши шаҳар оқава сув тозалаш иншооти (умумий майдони 42 гектар) 20 йил муқаддам эскиргани боис бутунлай фаолиятдан тўхтаган. Шундан бери оқава сувлар очиқ коллекторга йўналтирилмоқда.
Мана, қарийб 21 йилдан бери бирор мутасадди ташкилот иншоотни қайта ишга тушириш ёки реконструкция қилиш масаласига жиддий эътибор қаратмаган. Энг ташвишлиси, коллектор сувидан қишлоқ хўжалиги, балиқчилик ва бошқа мақсадларда фойдаланилмоқда. Бу эса тупроқ ҳамда сув ресурслари, атроф-муҳит учун жиддий хавф туғдиради.
Реконструкция нима учун кечиктирилмоқда? Ҳукуматнинг 2020 йил 14 апрелдаги 220-сонли қарорига кўра, ушбу иншоотни 2020 — 2025 йилларда реконструкция қилиш режалаштирилган эди. Аммо нима учундир оқава сув тозалаш иншооти ва унинг тармоқларини қуриш ва қайта тиклаш бўйича тендер савдолари фақат 2025 йилнинг январь ойидагина ўтказилган.
Олий Мажлис Қонунчилик палатаси депутати Ноиба Иноятова ушбу масала бўйича мутасадди вазирликка депутатлик сўрови юборди. Жамоатчилик ушбу сўровга қандай жавоб бўлишини кутмоқда.
Масала Ўзбекистон Экологик партияси вакиллари томонидан назоратга олинган.
ЎЭП Марказий кенгаши
Матбуот хизмати
Олий Мажлис Қонунчилик палатасининг навбатдаги мажлисида коррупцияга чек қўйиш ва аҳолининг ижтимоий ҳимоясини кучайтиришга қаратилган бир қатор муҳим қонун лойиҳалари муҳокамалар марказида бўлди. Депутатлар томонидан кўриб чиқилган янги тартиблар нафақат жазо чораларини қатъийлаштириш, балки фуқаролар учун давлат хизматларини соддалаштиришни ҳам кўзда тутади.
Батафсил
Ислом цивилизацияси марказининг очилиши халқимизнинг тарихий ўрни ва маънавий қудратини дунёга яна бир бор намоён этган муҳим воқелик бўлди.
Батафсил
Олий Мажлис Қонунчилик палатасининг навбатдаги мажлисида коррупцияга чек қўйиш ва аҳолининг ижтимоий ҳимоясини кучайтиришга қаратилган бир қатор муҳим қонун лойиҳалари муҳокамалар марказида бўлди. Депутатлар томонидан кўриб чиқилган янги тартиблар нафақат жазо чораларини қатъийлаштириш, балки фуқаролар учун давлат хизматларини соддалаштиришни ҳам кўзда тутади.
Дунё нега фарзандларини ижтимоий тармоқдан тўсмоқда?
Ислом цивилизацияси марказининг очилиши халқимизнинг тарихий ўрни ва маънавий қудратини дунёга яна бир бор намоён этган муҳим воқелик бўлди.
Янги Ўзбекистоннинг энг катта стратегик ресурси бўлган навқирон авлод вакиллари жўшқин шижоати, креатив фикрлаши ва янгиликка интилувчанлиги билан инновацион ривожланиш ва барча жабҳада ижобий ўзгаришларнинг ҳаракатлантирувчи кучи ҳисобланади.
Бугунги кунда туризм соҳаси дунё мамлакатларида миллий иқтисодиётга салмоқли даромад келтирувчи тармоқлардан бири ҳисобланади. Мамлакатимизда ҳам ушбу соҳанинг жадал ривожланиши, айниқса экотуризм, агротуризм, археологик, этнографик ва экстремал ноанъанавий туризм йўналишлари тўғридан-тўғри табиат ва унинг бебаҳо ресурслари билан уйғунликда амалга оширилмоқда.
