Чоршанба
07-Январ 2026
Чиқинди полигонларини бошқариш дирекцияси директори уларга қандай жавоб берди?
Кейинги йилларда мамлакатимизда чиқиндилар билан ишлаш тизимини такомиллаштириш, ҳудудлардаги экологик ҳолатни яхшилаш, санитар тозалаш бўйича кўрсатиладиган хизматлар сифатини ошириш борасида бир қатор янгиликлар жорий этилиб, зарур чора-тадбирлар амалга оширилмоқда. Маиший чиқиндиларни тўплаш ва ҳудудлардан олиб чиқиш борасидаги муайян ишлар қилинмоқда. Бироқ жойларда чиқиндилар билан боғлиқ айрим муаммолар ҳамон ўз ечимини кутмоқда. Аҳолидан тушаётган мурожаатлар орасида айнан чиқинди соҳаси билан боғлиқ масалалар оз эмаслиги ҳам бунинг яққол тасдиғидир.
Куни кеча Олий Мажлис Қонунчилик палатасининг Экология ва атроф-муҳитни муҳофаза қилиш масалалари қўмитасида Чиқинди полигонларини бошқариш дирекцияси директори айни ушбу масалалар борасида ахборот берди. Депутатлар ҳудудларда сайловчилар томонидан чиқиндилар билан боғлиқ берилган саволларни масъул ташкилот раҳбарига олдига қўйишди.
Чиқинди полигонларини бошқариш дирекцияси директори қаттиқ маиший чиқинди полигонларининг санитария талаблари ва экологик меъёрларга мувофиқлигини таъминлаш ҳамда рекультивация қилиш борасида амалга оширилаётган ишлар тўғрисида ахборот берар экан, эришилган натижалар, мавжуд муаммоларга ҳам атрофлича тўхталди.
Президентимизнинг «2019-2028 йиллар даврида Ўзбекистон Республикасида қаттиқ маиший чиқиндилар билан боғлиқ ишларни амалга ошириш стратегиясини тасдиқлаш тўғрисида»ги қарори, «Чиқиндиларни бошқариш тизимини такомиллаштириш ва уларнинг экологик вазиятга салбий таъсирини камайтириш бўйича чора-тадбирлар тўғрисида»ги Фармони соҳадаги ислоҳотларни амалга оширишда муҳим асос бўлиб хизмат қилмоқда. Ахборотда келтирилганидек, 2024 йилда Қорақалпоғистон Республикаси, Андижон, Бухоро, Қашқадарё, Наманган, Самарқанд, Тошкент, Фарғона ва Хоразм вилоятларида жами ўттизга яқин маиший чиқинди полигонларида рекультивация ишлари амалга оширилган. Шунингдек, «Яшил макон» умуммиллий лойиҳаси доирасида баҳор мавсумида республика бўйича 93 та чиқинди полигонлари атрофида 264 минг туп, куз мавсумида 123 та чиқинди полигонлари атрофида 197 минг туп турли хилдаги дарахт ва бута кўчатлари экилган.
Полигонларга кўмиш учун йўналтириладиган қаттиқ маиший чиқиндилар ҳажмини камайтириш, полигонлар ҳолатини ўрнатилган талабларга мувофиқлаштириш, фойдаланиб бўлмайдиган полигонлар (чиқиндихоналар)ни ёпиш ва рекультивация қилиш масалаларида кечикишлар мавжудлиги қайд этилди.
Мунозаралар давомида депутатлар томонидан жойларда сайловчилар билан бўлиб ўтган учрашувлар давомида кўтарилган масалалар ҳамда чиқинди полигонларига ташрифлар натижасида олинган маълумотлар асосида маиший чиқиндиларни тўплаш ва олиб чиқиб кетиш хизматлари сифатини ошириш, чиқиндиларнинг полигонларда тўпланиб қолишининг олдини олиш, атроф-муҳитга етказилаётган салбий таъсирни камайтириш мақсадида полигонлар атрофини ўраш ва яшил белбоғларни кўпайтириш юзасидан таклифлар билдирилди.
Тадбир якунида депутатлар томонидан соҳага оид қонунларни такомиллаштириш, уларнинг жойлардаги ижросини назорат-таҳлил фаолияти тартибида ўрганиш бўйича вазифалар белгилаб олинди.
Кейинги йилларда мамлакатимиз бўйлаб бунёдкорлик ишлари жадаллик билан олиб борилмоқда. Шаҳар ва туман марказларида тураржой, корхона, ташкилотларнинг осмонўпар бинолари қад ростламоқда. Уларнинг кўпчилиги мавжуд тартиб-қоида ва меъёрий талаблар асосида барпо қилинаётган бўлса, айримларида эса бунинг аксини кўриш мумкин.
Батафсил
Жойларда аҳоли ҳаёти, кундалик муаммолар ва мавжуд имкониятларни чуқур ўрганмасдан туриб, аниқ ечим ва самарали қарор қабул қилиш мушкул. Шу маънода, депутатлар ва партиямиз томонидан ҳудудларда олиб борилаётган ўрганишлар жамият билан очиқ мулоқотни мустаҳкамлаш, аҳоли манфаатларини таъминлашга қаратилган муҳим амалиёт ҳисобланади.
Батафсил
Ҳудудларда халқ билан мулоқот – амалий натижаларга йўл. Аҳоли билан бевосита мулоқот қилиш, уларнинг турмуш тарзи, меҳнат фаолияти ва кундалик муаммоларини жойида ўрганиш давлатимиз сиёсатининг муҳим йўналишларидан бири ҳисобланади.
Батафсил
Кейинги йилларда мамлакатимиз бўйлаб бунёдкорлик ишлари жадаллик билан олиб борилмоқда. Шаҳар ва туман марказларида тураржой, корхона, ташкилотларнинг осмонўпар бинолари қад ростламоқда. Уларнинг кўпчилиги мавжуд тартиб-қоида ва меъёрий талаблар асосида барпо қилинаётган бўлса, айримларида эса бунинг аксини кўриш мумкин.
Жойларда аҳоли ҳаёти, кундалик муаммолар ва мавжуд имкониятларни чуқур ўрганмасдан туриб, аниқ ечим ва самарали қарор қабул қилиш мушкул. Шу маънода, депутатлар ва партиямиз томонидан ҳудудларда олиб борилаётган ўрганишлар жамият билан очиқ мулоқотни мустаҳкамлаш, аҳоли манфаатларини таъминлашга қаратилган муҳим амалиёт ҳисобланади.
Ҳудудларда халқ билан мулоқот – амалий натижаларга йўл. Аҳоли билан бевосита мулоқот қилиш, уларнинг турмуш тарзи, меҳнат фаолияти ва кундалик муаммоларини жойида ўрганиш давлатимиз сиёсатининг муҳим йўналишларидан бири ҳисобланади.
Қорақалпоғистонда саксондан ортиқ миллат ва элатлар дўст-иноқликда яшаб келади. Уларнинг орасида корейслар ҳам кўп. Эътиборли жиҳати шундаки, Ўзбекистон Экологик партияси сафида ҳам турли миллат вакиллари кўпчиликни ташкил қилади.
Мамлакатимиздаги иссиқлик электр станцияларида экологик барқарорликни таъминлаш, атроф-муҳитга салбий таъсирни камайтириш ва ишлаб чиқариш жараёнларини замонавий экологик талабларга мослаштиришга алоҳида эътибор қаратилмоқда.
