Пайшанба
23-Июл 2026
Олий Мажлис Қонунчилик палатасидаги Ўзбекистон Экологик партияси фракцияси раҳбари Абдушукур Ҳамзаев бошчилигидаги ишчи гуруҳ Навоий вилоятида экология соҳасидаги ислоҳотлар ва «Яшил макон» умуммиллий лойиҳаси доирасида амалга оширилаётган ишлар билан танишмоқда.
Дастлабки манзил «Навоийазот» акциядорлик жамияти бўлди. Корхонага туташ ҳудудларда барпо этилган яшил белбоғлар ҳолати кўздан кечирилди.
«Навоийазот» АЖ бошқаруви раиси Фаррух Самадов ишчи гуруҳ аъзоларига корхона ҳудудида «Яшил макон» умуммиллий лойиҳаси доирасида 2023 йил баҳор мавсумидан бошлаб ҳозирги кунгача 30 гектардан ортиқ майдонга иқлимга мос 78 000 дан ортиқ дарахт кўчатлари экилгани, «Навоийазот» АЖ нафақат кимё саноати гиганти, балки атроф-муҳитга бефарқ бўлмаган масъулиятли субъект сифатида ҳам ўзини намоён қилишга ҳаракат қилаётгани тўғрисида маълумот берди.
Бу экилган дарахтлар, яратилаётган «яшил белбоғ» яқин йилларда саноатлашган ҳудуд учун табиий фильтр вазифасини ўтай бошлайди. Саноат корхоналаридан чиқаётган заҳарли тутуннинг аҳоли саломатлигига зарарли таъсири сезиларли даражада пасаяди.
Абдушукур Ҳамзаев Ўзбекистон Экологик партияси корхона ташаббусларини қўллаб-қувватлаши ва барча йирик саноат корхоналари ушбу намунавий тажрибадан ўрнак олиши зарурлигини таъкидлади.
Шунингдек, корхонада умумий қуввати – 5685 кВт қуёш фотоэлектр станциялари ўрнатилиб, йилига – 6 848 690 кВт соат электр энергияси олиш режалаштирилгани эътирофга лойиқ.
Модернизация қилиш орқали 60 минг тонна СО2 газини қайта ишлаш цехи ишга туширилди. Бу эса атмосферага чиқадиган зарарли ташламаларни сезиларли камайтиришга хизмат қилади.
Бундан ташқари, 3 ва 23 цехда атмосфера ҳавосига ташланадиган ташламалар: аммиак, селитра чанги ва шу кабиларни ушлаб қолувчи фильтрлар ўрнатилгани ҳам алоҳида эътиборга молик. Бу орқали атмосферага ташланадиган зарарли моддаларнинг 90 фоизи ушлаб қолиниши айтилди.
* ЎЭП раҳбари ва депутатлардан иборат ишчи гуруҳнинг Навоий вилоятидаги ўрганиш натижаларига бағишланган таҳлилий материал билан газетамизнинг келгуси сонида танишасиз.
ЎЭП Марказий Кенгаши
Матбуот хизмати
Айни пайтда Ўзбекистон Республикаси Экология кодекси лойиҳаси жамоатчилик муҳокамасига қўйилган. Зотан, бугун мамлакатимизда экологик барқарорликни таъминлаш, атроф-муҳитни асраш ва табиий ресурслардан оқилона фойдаланиш давлат сиёсатининг устувор йўналишига айланган. Шу боис, янги кодекс лойиҳаси жамиятимизда қизғин муҳокамаларга сабаб бўлмоқда.
Батафсил
Куни кеча Президент Шавкат Мирзиёев чўлланишга қарши курашиш ва чўл иқтисодиётини ривожлантириш, шунингдек, шаҳарларда «яшил шаҳар» тамойилларини жорий этиш юзасидан таклифлар тақдимоти билан танишди.
Батафсил
Мамлакатимизда юридик таълим тизимини замонавий талаблар асосида такомиллаштириш, таълим, илм-фан ва амалиёт уйғунлигини таъминлаш ҳамда экологик ҳуқуқ соҳасида етук мутахассислар тайёрлаш йўлида яна бир муҳим қадам ташланди.
Батафсил
Айни пайтда Ўзбекистон Республикаси Экология кодекси лойиҳаси жамоатчилик муҳокамасига қўйилган. Зотан, бугун мамлакатимизда экологик барқарорликни таъминлаш, атроф-муҳитни асраш ва табиий ресурслардан оқилона фойдаланиш давлат сиёсатининг устувор йўналишига айланган. Шу боис, янги кодекс лойиҳаси жамиятимизда қизғин муҳокамаларга сабаб бўлмоқда.
Куни кеча Президент Шавкат Мирзиёев чўлланишга қарши курашиш ва чўл иқтисодиётини ривожлантириш, шунингдек, шаҳарларда «яшил шаҳар» тамойилларини жорий этиш юзасидан таклифлар тақдимоти билан танишди.
Мамлакатимизда юридик таълим тизимини замонавий талаблар асосида такомиллаштириш, таълим, илм-фан ва амалиёт уйғунлигини таъминлаш ҳамда экологик ҳуқуқ соҳасида етук мутахассислар тайёрлаш йўлида яна бир муҳим қадам ташланди.
Депутатлар аҳолининг экологик маданиятини юксалтириш концепцияси ижросини билмоқчи
Олий Мажлис Қонунчилик палатасининг Бюджет ва иқтисодий масалалар қўмитаси кенгайтирилган йиғилишида Ўзбекистон Республикаси Давлат бюджетининг ва давлат мақсадли жамғармалари бюджетларининг 2026 йил биринчи чорагидаги ижроси тўғрисидаги ҳисобот атрофлича кўриб чиқилди.
