Чоршанба
29-Октябр 2025
Ўзбекистон Экологик партияси Қашқадарё вилоят кенгаши, партия депутатлик гуруҳи ҳамда вилоят Кенгаши ҳузуридаги «Аграр, сув хўжалиги ва экология масалалари бўйича» доимий комиссияси ҳамкорлигида вилоятда «Яшил макон» умуммиллий лойиҳаси доирасида 2025 йил баҳор мавсумида экилган мевали ва манзарали дарахт кўчатларининг ҳолати бўйича жамоатчилик эшитуви ўтказилди.
Жамоатчилик эшитувида вилоят Экология, атроф-муҳитни муҳофаза қилиш ва иқлим ўзгариши бошқармаси, «Йўл кўкалам» ДУК мутасаддилари ҳисоботи тингланди. Шунингдек, «Яшил макон» МЧЖ ҳамда вилоят давлат ўрмон хўжалиги мутахассислари соҳадаги янгиликлар, олиб борилаётган ишлар бўйича маълумот беришди.
– Жорий йил баҳорги мавсумда вилоят миқёсида 10 млн 968 минг дона кўчатлар экилди, – дейди вилоят экология, атроф-муҳитни муҳофаза қилиш ва иқлим ўзгариши бошқармаси бошлиғи ўринбосари Улуғбек Мамашарипов. – Туман ва шаҳарларда кўчат экиш ишларини сифатли ва тизимли ташкил этиш учун 36 та амалий семинарлар ўтказилди. Кўчат нархларининг барқарорлигини таъминлаш мақсадида ҳар бир туман ва шаҳарда кўчатчилик билан шуғулланувчи субъектларни жалб этган ҳолда 38 та кўчат ярмаркалари ташкил этилди.
Мавсум давомида экилган кўчатларнинг турлари, улар экилган аниқ манзил, кўчат эккан ташкилот тўғрисидаги маълумотлар туман ва шаҳар инспекторлари томонидан жойига чиққан ҳолда ўрганилиб, кейин yashilmakon.eco электрон платформасига масъулларга бириктирилган ҳолда киритилган.
Таъкидланишича, «Яшил макон» умуммиллий лойиҳаси доирасида жорий йил кузги кўчат экиш мавсуми давомида 10 млн 177 минг дона мевали, манзарали дарахт ва бута кўчатлари экилиши белгилаб олинди. Кўчат экиш бўйича назорат тадбирларини сифатли олиб бориш мақсадида 32 нафар ходим жалб қилиниб, улар 32 та планшет, 1 та учувчисиз учиш қурилмалари билан таъминланди.
Жорий кўчат экиш мавсумида суғориш тизимига алоҳида эътибор қаратилди. Суғориш тизими мавжуд бўлмаган жойларга экилган кўчатлар yashilmakon.eco электрон платформасига ҳисобга киритилмаяпти ва масъулларга ушбу кўчатларни суғориш тизими мавжуд ерларга экиш бўйича кўрсатмалар берилмоқда.
Масъулларнинг ҳисоботларидан сўнг Олий Мажлис Қонунчилик палатаси депутати Ноиба Иноятова соҳада йўл қўйилаётган камчиликларни бартараф этиш юзасидан таклифларини билдирди.
Шунингдек, депутатлар, партия фаоллари ҳамда кенг жамоатчилик вакиллари ҳисоботлар юзасидан фикр-мулоҳазаларини билдиришди. Ўтказилган мониторинг натижалари асосида жойларда лойиҳа доирасида экилган кўчатларнинг қаровсиз қолаётгани, суғориш тизимларидаги муаммолар, сувсиз жойларга экилган кўчатларнинг қуриб қолгани каби кўплаб саволларга мутасаддилар жавоб беришди.
Кун тартибидаги масала юзасидан Қашқадарё вилоятида амалга оширилган ишлар бўйича ишчи гуруҳнинг маълумоти, таклифлари ва соҳага тегишли раҳбарлар томонидан берилган ҳисоботлар юзасидан хулосаси тингланди. Жамоатчилик эшитуви юзасидан хулоса, таклиф ва тавсиялар қабул қилинди.
Сожида АЛЛАЯРОВА,
ЎЭП Қашқадарё вилоят партия ташкилоти
бош мутахассиси
Яқинда умуммиллий байрам – Ўқитувчи ва мураббийлар куни арафасида Ўзбекистон Экологик партиясидан халқ депутатлари вилоят Кенгаши депутати Зайниддин Салямов «Таълим ҳомийси» кўкрак нишони билан тақдирланди. Қандай хизматлари учун дейсизми? Бир сўз билан айтганда, кўплаб ўқитувчию ўқувчилар меҳрини қозониш, келажак авлод учун мудом қайғуриш орқали сазовор бўлди бу эътирофга.
Батафсил
Парламент Қонунчилик палатасининг кечаги мажлиси ҳам қизғин ва баҳс-мунозараларга бой бўлди. Депутатлар мамлакатимиз ҳаётидаги муҳим долзарб масалаларни муҳокама қилар экан, Ўзбекистон Экологик партияси фракцияси аъзолари қатъий позициясини намоён этишди.
Батафсил
Ҳар қандай соҳанинг ислоҳи, ривожи ва тараққиёти етарли билим, малака ва кўникмага эга мутахассисларнинг фидокорона меҳнатлари билан амалга оширилади. Мамлакат тараққиётига хизмат қилувчи билимдон мутахассислар эса, шубҳасизки, устоз ва мураббийлар фаолиятининг самарасидир.
Батафсил
Яқинда умуммиллий байрам – Ўқитувчи ва мураббийлар куни арафасида Ўзбекистон Экологик партиясидан халқ депутатлари вилоят Кенгаши депутати Зайниддин Салямов «Таълим ҳомийси» кўкрак нишони билан тақдирланди. Қандай хизматлари учун дейсизми? Бир сўз билан айтганда, кўплаб ўқитувчию ўқувчилар меҳрини қозониш, келажак авлод учун мудом қайғуриш орқали сазовор бўлди бу эътирофга.
Парламент Қонунчилик палатасининг кечаги мажлиси ҳам қизғин ва баҳс-мунозараларга бой бўлди. Депутатлар мамлакатимиз ҳаётидаги муҳим долзарб масалаларни муҳокама қилар экан, Ўзбекистон Экологик партияси фракцияси аъзолари қатъий позициясини намоён этишди.
Ҳар қандай соҳанинг ислоҳи, ривожи ва тараққиёти етарли билим, малака ва кўникмага эга мутахассисларнинг фидокорона меҳнатлари билан амалга оширилади. Мамлакат тараққиётига хизмат қилувчи билимдон мутахассислар эса, шубҳасизки, устоз ва мураббийлар фаолиятининг самарасидир.
Ўзбекистон Экологик партияси Қашқадарё вилоят кенгаши, партия депутатлик гуруҳи ҳамда вилоят Кенгаши ҳузуридаги «Аграр, сув хўжалиги ва экология масалалари бўйича» доимий комиссияси ҳамкорлигида вилоятда «Яшил макон» умуммиллий лойиҳаси доирасида 2025 йил баҳор мавсумида экилган мевали ва манзарали дарахт кўчатларининг ҳолати бўйича жамоатчилик эшитуви ўтказилди.
Олий Мажлис Қонунчилик палатасининг навбатдаги мажлисида «Банк тизимини ислоҳ қилиш ҳамда банкларни трансформация қилиш борасида амалга оширилаётган ишлар тўғрисида» парламент сўрови юбориш масаласи кўриб чиқилди.
