Душанба
25-Май 2026
Бугунги кунда мамлакатимизда кечаётган ислоҳотлар жараёнида маҳаллий давлат ҳокимияти органлари фаолиятини тубдан янгилаш, уларни чинакам халқ овозига айлантириш устувор вазифага айланди.
Шу мақсадда куни кеча Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида маҳаллий Кенгашларнинг нуфузини ошириш ва уларнинг ҳудудлар ҳаётидаги иштирокини кенгайтиришга қаратилган ўзгаришлар муҳокама қилинди.
Депутатлар ташаббуси билан иккинчи ўқишда кўриб чиқилган «Маҳаллий давлат ҳокимияти тўғрисида»ги қонунга киритилаётган ўзгартиришлар халқ вакилларига ижро ҳокимияти устидан назорат ўрнатиш учун янги ва кучли имкониятлар тақдим этмоқда.
Қонун лойиҳаси билан тизимга бир қатор муҳим янгиликлар киритиляпти. Жумладан, жамоатчилик асосида фаолият юритувчи халқ депутатлари маҳаллий Кенгаши раиси ўринбосари институти ҳамда Кенгаш фаолиятини тизимли ташкил этиш мақсадида Кенгаш Раёсати институтини жорий этиш назарда тутилмоқда. Мазкур янги тузилма Кенгаш сессиялари кун тартиби лойиҳасини шакллантириш, доимий комиссиялар фаолиятини мувофиқлаштириш ҳамда бошқа ташкилий масалаларни ҳал этиш каби вазифаларни амалга оширади. Шу билан бирга, маҳаллий ижро этувчи ҳокимият органлари раҳбарларининг Кенгаш депутатлари саволларига жавобларини эшитиш тартибининг белгиланиши ижро ҳокимияти устидан назорат функцияларини янада кучайтиришга қаратилган.
Фракция йиғилишида мазкур ислоҳотларнинг аҳамияти ҳақида тўхталар экан, фракция аъзоси Борий Алихонов шундай деди:
– Фракция йиғилишида қонун лойиҳасидаги нормалар атрофлича кўриб чиқилди. Белгиланаётган нормалар маҳаллий Кенгашлар фаолиятини ташкил этишнинг ҳуқуқий асосларини янада такомиллаштиришга, Кенгаш органлари ўртасидаги ваколатларни аниқ белгилашга, депутатлик назорати механизмларини кучайтиришга хизмат қилади.
Муҳокамалар якунида фракция аъзолари қонун лойиҳасини тўлиқ қўллаб-қувватладилар. Мазкур қонун лойиҳаси бугунги кунимиз учун муҳим ва долзарб ҳуқуқий механизмлар учун зарур эканини эътироф этишди. Ушбу янги ҳуқуқий асослар маҳаллий Кенгашларнинг ҳудудий муаммоларни ҳал этишдаги нуфузини ошириш билан бирга, давлат бошқарувида халқ вакилларининг иштирокини янада кенгайтиришга хизмат қилади. Бу эса жойларда ижро ҳокимияти масъулиятини ошириш ва аҳоли манфаатларини таъминлашда муҳим пойдевор бўлиб хизмат қилади.
Олий Мажлис Қонунчилик палатасининг навбатдаги ялпи йиғилишида халқимиз ҳаёти, мамлакатимиз хавфсизлиги ва ижтимоий-иқтисодий барқарорликни таъминлаш учун муҳим бўлган қонун лойиҳалари ҳамда ҳукумат аъзоларига юборилган парламент сўровларининг жавоблари атрофлича муҳокама қилинди.
Батафсил
БМТнинг Нью-Йоркдаги Ўрмонлар бўйича форуми 21-сессияси доирасида Ўзбекистон Республикаси Президентининг экология масалалари бўйича маслаҳатчиси – Экология ва иқлим ўзгариши миллий қўмитаси раиси Азиз Абдуҳакимов халқаро ташкилотлар ҳамда БМТнинг ихтисослашган тузилмалари раҳбарлари билан икки томонлама учрашувлар ўтказди.
Батафсил
Қонунлар қанчалик ҳаётий ва бугунги кун талабларига мос бўлса, жамиятда уларнинг ижроси шунчалик тез ва самарали таъминланади. Олий Мажлис Қонунчилик палатасида бўлиб ўтган навбатдаги ялпи мажлис айнан мана шу жиҳатлари билан эътиборга молик бўлди. Парламент қуйи палатасидаги муҳокамалар одатдагидек қизғин, очиқ ва баҳс-мунозараларга бой кечди.
Батафсил
Олий Мажлис Қонунчилик палатасининг навбатдаги ялпи йиғилишида халқимиз ҳаёти, мамлакатимиз хавфсизлиги ва ижтимоий-иқтисодий барқарорликни таъминлаш учун муҳим бўлган қонун лойиҳалари ҳамда ҳукумат аъзоларига юборилган парламент сўровларининг жавоблари атрофлича муҳокама қилинди.
БМТнинг Нью-Йоркдаги Ўрмонлар бўйича форуми 21-сессияси доирасида Ўзбекистон Республикаси Президентининг экология масалалари бўйича маслаҳатчиси – Экология ва иқлим ўзгариши миллий қўмитаси раиси Азиз Абдуҳакимов халқаро ташкилотлар ҳамда БМТнинг ихтисослашган тузилмалари раҳбарлари билан икки томонлама учрашувлар ўтказди.
Қонунлар қанчалик ҳаётий ва бугунги кун талабларига мос бўлса, жамиятда уларнинг ижроси шунчалик тез ва самарали таъминланади. Олий Мажлис Қонунчилик палатасида бўлиб ўтган навбатдаги ялпи мажлис айнан мана шу жиҳатлари билан эътиборга молик бўлди. Парламент қуйи палатасидаги муҳокамалар одатдагидек қизғин, очиқ ва баҳс-мунозараларга бой кечди.
Астана шаҳрида ўтказилган «ECO Startup Competition Central Asia» танлови инновацион экологик ечимларни илгари суриш ва барқарор ривожланиш соҳасида минтақавий ҳамкорликни мустаҳкамлаш учун муҳим майдон бўлди. Ўзбекистон жамоаларининг иштироки ва муваффақияти мамлакатнинг «яшил» технологиялар ва тадбиркорликни ривожлантиришдаги юқори салоҳиятини тасдиқлади.
Жорий йилнинг биринчи чорагида Ўзбекистон Экологик партияси мамлакатимизда амалга оширилаётган кенг кўламли ислоҳотларда фаол иштирок этиш, атроф-муҳитни муҳофаза қилиш ва экологик маданиятни шакллантириш, шу билан бирга, партиянинг жамиятдаги нуфузини оширишга қаратилган тизимли ишларни амалга оширди.
