Қўлингизга қаранг ва кўрсатгич бармоқ билан номсиз (тўртинчи) бармоқ узунлигини солиштиринг.

Энди жавобларни ўқинг:

А) Агар кўрсаткич бармоқ номсиз бармоқдан калтароқ бўлса, бундай одамлар кўриниши кўркам, жозибадордир. Гаплари маъноли, улар одамларнинг диққатини осонгина ўзларига жалб қила оладилар. Бошқаларга қараганда журъатли, таваккал қилишга ўч ва муаммоларни осонгина ҳал қилишади. Уларнинг ўзига хос сифатларидан яна бири суҳбатдошларига нисбатан ҳамдард ва қайғудош бўла олишларидир. Бундай одамлардан ажойиб муҳандис, олим ва ижодкорлар етишиб чиқади.

В) Кўрсаткич бармоғи номсизидан узунроқ одамлар ўзига жуда ишонган бўлади. Ўзлари мансуб бўлган табақадан ғурурланадилар, бекорчи ишлар билан безовта қилишларини ёқтирмайдилар. Иш, бизнес учрашуви ёки шахсий муносабатда ҳам биринчи бўлиб ҳеч қачон ташаббус кўрсатмайдилар. Аммо эътиборни қадрлайдилар, мақтов ва илтифотни хуш кўрадилар.

С) Кўрсаткич ва номсиз бармоқлари узунлиги бир хил одамлар  сулҳпарвар ва кўнгли очиқдир: зиддиятларни ёқтиришмайди. Турмуш тарзлари батартиб, ҳамма билан муроса қила оладилар. Бу тоифадаги инсонлар оиласидагиларга меҳрибон, садоқатли, ишда эса фидокорлик қиладиган одамлардир. Аммо жаҳли жуда тез чиқади.

Дилмурод ДАРВЕШОВ

тайёрлади.