Пайшанба
23-Июл 2026
Бугун ички ёнув двигателда ҳаракатланадиган автотранспорт воситалари ҳавони ифлослантирувчи энг асосий манбалардан бири экани маълум. Шунинг учун ҳам бутун дунёда автомобилсозлик саноати электромобиллар ишлаб чиқаришга ўтмоқда.
Мамлакатимизда электромобилдан фойдаланиш жадал суръатда ўсмоқда. Шунга мутаносиб тарзда электромобиллар учун зарур инфратузилма ҳам яратилмоқда. Электромобиллардан фойдаланиш имкониятларини кенгайтириш ва оммалаштириш учун чора-тадбирлар кўриляпти.
Яқинда Ўзбекистон Республикаси Вазирлар Маҳкамаси томонидан 2024-2025 йиллар учун электромобиллардан фойдаланиш инфратузилмасини кенгайтиришнинг қўшимча чора-тадбирлари тўғрисидаги қарори қабул қилинди. Ушбу ҳужжат электромобилларни қувватлантириш станцияларини республикамизнинг барча ҳудудларида ўрнатиш, инвесторлар учун қулай шарт-шароитлар яратиш ва станциялардан фойдаланувчиларни қўллаб-қувватлаш механизмларини ўз ичига олади.
Эндиликда республикамиз бўйлаб барча ҳудудлардаги турли объектларда, жумладан, автотураргоҳлар, ижтимоий соҳа объектлари, савдо ва бизнес марказлари, овқатланиш жойлари ва меҳмонхоналар атрофида электромобилларни қувватлантириш станцияларини ўрнатиш ишлари бошланади. Бу станцияларни махсус объектларда ҳамда бензин қуйиш шохобчаларида ўрнатиш режалаштирилган. Бунда якка тартибдаги ва кўп квартирали уй-жойлар ҳудудида қуриладиган станцияларнинг энг юқори қуввати 22 кВт бўлиши белгиланган.
Янги лойиҳалар ва инфратузилма объектларида электромобиллар учун шарт-шароит яратиш мақсадида 2025 йилнинг 1 февралидан бошлаб давлат органлари, бизнес марказлари ва бошқа жамоат объектларида автотураргоҳларнинг камида 5 фоизи электромобилларни қувватлантириш станцияларига ажратилиши белгилаб берилди. Бу орқали мамлакатимизда инфратузилма ривожланиши таъминланади ва электр тармоқларини модернизация қилишга замин яратилади.
Электромобилларни қувватлантириш станциялари учун давлат тасарруфидаги бўш турган ер майдонлари ва бинолар электрон онлайн-аукционлар орқали ижарага берилади ва улар «яшил» ва «сариқ» тоифаларга ажратилади. Тоифалар станция жойлашувларининг махсус талабларга жавоб беришига қараб белгиланади. Яъни:
– станцияларни қуриш учун барча шароитлар мавжуд бўлган жойлар «яшил» тоифа;
– станциялар учун қўшимча коммуникация тармоқларини қуриш талаб этиладиган жойлар «сариқ» тоифа сифатида белгиланади.
Қабул қилинган ушбу қарор натижасида 2025 йилга келиб республикамиздаги электромобиллар инфратузилмаси ривожланиши ва экологик тоза транспорт воситаларидан фойдаланувчиларга қулай шароитлар яратилиши кўзда тутилмоқда.
Экологик маданиятни юксалтириш, ёшларнинг ижтимоий-сиёсий фаоллигини кучайтириш учун уларнинг ташаббуслари ва инновацион ғояларини қўллаб-қувватлаш бугунги рақамли дунёнинг асосий талабидир.
Батафсил
Экология ва иқлим ўзгариши миллий қўмитаси аномал иссиқда дарахтларни қуриб қолишдан асраш чораларини кўришга чақирмоқда. Вазирлик аномал иссиқ ҳаво инсонлар билан бир қаторда мамлакатдаги яшил ҳудудлар, дарахтлар, буталар ва ҳайвонот дунёси учун ҳам жиддий хавф туғдиришини билдирди.
Батафсил
Бугунги кунда дунёда энергияга бўлган талаб тобора ортиб бораётган бир пайтда, экологик хавфсиз ва барқарор энергия манбаларини излаш глобал аҳамият касб этмоқда.
Батафсил
Экологик маданиятни юксалтириш, ёшларнинг ижтимоий-сиёсий фаоллигини кучайтириш учун уларнинг ташаббуслари ва инновацион ғояларини қўллаб-қувватлаш бугунги рақамли дунёнинг асосий талабидир.
Экология ва иқлим ўзгариши миллий қўмитаси аномал иссиқда дарахтларни қуриб қолишдан асраш чораларини кўришга чақирмоқда. Вазирлик аномал иссиқ ҳаво инсонлар билан бир қаторда мамлакатдаги яшил ҳудудлар, дарахтлар, буталар ва ҳайвонот дунёси учун ҳам жиддий хавф туғдиришини билдирди.
Бугунги кунда дунёда энергияга бўлган талаб тобора ортиб бораётган бир пайтда, экологик хавфсиз ва барқарор энергия манбаларини излаш глобал аҳамият касб этмоқда.
Ёзнинг иссиқ ва узун тунлари... Бутун оила жамулжам бўлиб ҳовлида ёки супада очиқ осмон остида ётишнинг гашти ўзгачада. Болалигимизда шундай дамларда кўзларимизни самога қаратганимизда, худди қора бахмал устига дурлар сочилгандек, минг-минглаган юлдузлар чарақлаб турарди.
Чиқиндиларни тўғри тасарруф этиш ва унинг экологияда зарарини камайтириш масаласида дунё мамлакатлари турли ёндашувларни илгари сурмоқда. Шулардан бири Голландия тажрибаси ҳисобланади.
