Ҳар бир дарахт – йиллар хотираси ва табиатимиз кўрки. Айниқса, Хоразм воҳасида асрлар давомида салқинлик ва файз бағишлаб келган гужум дарахтлари алоҳида қадрланади.

Боғот туманидаги Деҳқонобод маҳалласида яшовчи фуқаро Р.Маткаримов хонадонида кўп йиллардан бери ўсиб турган гужум дарахти номаълум зараркунандалар таъсирида қурий бошлагани ҳақида мурожаат қилган эди.

Ушбу масала жойига чиқилган ҳолда атрофлича ўрганилди. Ўрганишда Ўзбекистон Экологик ҳаракати Хоразм вилояти ҳудудий бўлинмаси раҳбари, халқ депутатлари Боғот тумани Кенгаши депутати У.Иброҳимов, Ўзбекистон Экологик партияси туман кенгаши раиси А.Отабоев ҳамда Ўсимликлар карантини ва ҳимояси агентлиги туман бўлими инспектори иштирок этди.

Мутахассислар томонидан дарахтнинг ҳолати кўздан кечирилиб, касаллик манбаи ва зараркунанда турини аниқлаш мақсадида лаборатория таҳлили учун намуналар олинди.

Кўп йиллик дарахтни асраб қолиш ва унга зарур ишлов бериш бўйича амалий чоралар лаборатория хулосаси асосида белгиланади. Масала масъуллар томонидан тўлиқ назоратга олинган.