Қайроқи гап!

Қуюқ сўрашиб, мақташни бошлаган журналист маддоҳ эмасдир, балки у сиздан газетасига обуна бўлишни сўраб қолар...

Қайроқи гап!

Пул – инсонга ҳеч қачон вафо қилмайди. Кўчага пул билан чиқиб кетасан, уйга нуқул ёлғиз қайтасан!

Қайроқи гап!

Баъзи қоғоздаги ҳисоботлар стрелкасиз соатга ўхшайди.
Рақамлар бор-у, маъноси йўқ!
 

Қайроқи гап!

Камхарж  тўй қиламан, деганлар ҳозир фурсатдан фойдаланиб қолсин: уч сўм пул, бир калла қанд, битта мулла.

Одамлар мени муҳокама қиламан деб, қанча вақт ҳамда куч йўқотишади, мен бўлсам, уларнинг отиниям билмайман...

Эртанинг ғами эртанинг муаммоларини бартараф этмайди, бироқ бемалол бугуннинг хотиржамлигини  яксон қилади.

«Моторим мой, радиаторим сув ейдиган бўлиб қолди. Занглаб ётибман».

(тракторчининг ҳасратидан)

Одамларни кулдиргинг келяптими? Марҳамат, келажак режаларингдан гапир...

Энг катта муаммолар кичикларидан қочавериш оқибатида пайдо бўлади.

У туздай гап: бўлса, ҳаёт ширин эмас, бўлмаса, маза қилмайсиз.

Ўзингиз ҳақда фақат яхши миш-мишлар тарқатинг, манба унутилувчан, гап эса юраверади.

Каллани бўм-бўш қилиш тезлиги телевизор диагонали квадратига тўғри пропорционал.

Одамнинг ниқобини ечиб олиш яхшимас. Қаёқдан биласиз, балки унга тумшуқбоғ урилгандир...

У молпараст бўлса-да, ҳайвонпараст эмасди.

Менга ишонманг, мен, ҳатто кампиримни ҳам севаман.